香港藝術發展局（藝發局）爆出以上屆頒獎禮內容損害局方聲譽為由，扣減已審批的8萬多元資助予香港戲劇協會（劇協），劇協香港時間周五（19日）舉行記者會，逐點反擊藝發局，會長馮祿德要求當局收回指控：「我哋自己都有聲譽，我哋自己都有尊嚴，唔可以你鍾意（指控）話係就係，而你提出嘅理由唔確立嘅時候，我哋唔認同，歷史有紀錄」。馮又斥當局因頒獎禮等事情，停了對其資助，「唔緊要，我哋唔會乞求」，但事件影響業界士氣，迫使劇協開記者會「要求公眾注意」。

《追新聞》特約記者 Wesley Yip

報道無罪　知情有價　請即訂閱《追新聞》：
https://www.patreon.com/thechasernews

藝發局周四（18日）發稿，指摘劇協去年6月的頒獎禮「有別於以往」，又指劇協若「以此手法引起公眾及媒體注意及製造社會話題」，有必要決斷作出下調資助的決定。馮祿德駁斥局方指本屆新增了頒獎禮主題，「前幾年28屆主題係一團火，29屆用 Moving Forward 做主題，30屆用團聚，31屆用勇氣做主題 」，過往頒獎禮都有特定主題，不是特別的做法，又強調所有主題都是表示「中國嘅香港係好團結，盼望未來」。 對於藝發局指「劇協沒有主動跟本局商討下偏離以往的做法」，馮反斥：「冇所謂『偏離』，根本以往係唔需要商討，亦都冇所謂『主動』」，馮強調頒獎禮在合法、合情、合理之下做，不會因受資助而接受一些要求，「若果唔係…亦都唔會得到咁多年嘅資助，（若因受資助而接受一些要求）畀我哋都未必要。」

尊子、蔡玉玲不是藝術家嗎？

局方發稿指摘劇協邀請非戲劇界頒獎嘉賓；指漫畫家尊子、前港台記者蔡玉玲是「當時充滿新聞話題」的人物，兩位主持人以「紅橋」、「紅線」為話題，意有所指、語帶雙關。馮祿德駁斥，劇協逾30年的歷史，邀請過很多局方所指的「非戲劇界」人士，包括時裝界、化妝界、體育界、新聞等精英。馮指目的不是為了「搶Focus」，而是為了配合該屆的主題，發揚該屆的精神，強調尊子是資深漫畫家，蔡玉玲是紀錄片編導，反問為何兩人是藝術界以外的頒獎嘉賓，「漫畫唔係藝術咩？」「電影唔係藝術咩？」，「我哋沒有偏離主題，係合法、合理、合情」。他強調，「請佢哋頒獎唔係交心，唔等於係完全認同佢哋立場，即使立場不同亦應該尊重」，亦指尊子及蔡玉玲並無牴觸香港法例。他指藝發局亦有委託專家作藝評報告，該報告並無提及上述問題，而藝發局公佈對劇場的指控後，亦無上訴機制，令劇協感到辯解無門。

咁真誠嘅頒獎禮都觸礁 業界點做創意？

對主持人以「紅橋」、「紅線」為話題，馮說明指主持人都是藝術家，只是在不能直接說出心聲時，只好委婉提出心聲與要求，「言之者無罪，聞之者足戒，有則改之，無則嘉勉」。馮指，「咁主持人咁委婉提出要求，可見我哋幾痛苦，我哋業界真係，戰戰兢兢、步步為營，但係藝術係唔可以限制創意」強調政府應該說明怎樣才是合法，「究竟條線係邊？依家咁寬容、咁真誠、咁尊重嘅頒獎禮，都居然觸礁、觸池，我哋行業其他朋友點做創意？」 馮重申一直謹慎處理頒獎禮，舞台設計簡約，純就美學出發，認為「一個人有偏見及成見，戴眼鏡有顏色，睇咩都有顏色」。

馮祿德又指曾在不公開的場合向當局探問底線的所在，「費事佢尷尬」，但都不獲正面回應，又指反覆看過頒獎禮的錄影，「估唔到佢真係喺呢點度發揮」。馮指現在當局因此停了資助，「唔緊要，我哋唔會乞求，但係你咁樣引起公眾注意，係邊個做？今次逼到我哋開呢個記者會」。

不會乞求追回資助「窮，但係有骨氣」

藝發局指，有責任確保公帑運用得宜，馮反擊指，劇協沒有辜負局方的要求，「我哋幸不辱命」，強調全個劇界的人士，都很希望為香港製作一些引以為傲的演出，「完全係符合政府或者特首嘅冀望」。馮祿德認同30多年來都與藝發局、康文署一直互信合作，互相遷就體諒，「以往係好好嘅，但係今次我哋真係驚訝。」 多名記者亦問及來屆頒獎禮會如何舉辦，馮祿德稱會堅持舉辦，但未決定形式，但重申即便「冇錢、冇地方、資源匱乏」，仍會想盡辦法舉辦，不會追問藝發局扣起的約8萬元資助，指劇協「窮，但係有骨氣」。

---

🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join

《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。

優惠詳情：https://thechasernews.co.uk/追新聞訂戶注意-新黃店優惠嚟啦/