劇協記者會舉行後，劇協外務秘書、著名劇作家莊梅岩到場，她指自己以創作人身份來說，對於當局今次扣減已審批的資助，「好失望同好憤怒」，強調自己是納稅人，她認為政府有責任資助文化藝術活動。
《追新聞》特約記者 Wesley Yip
報道無罪 知情有價 請即訂閱《追新聞》：
https://www.patreon.com/thechasernews
藝術行政人員想像力豐富
「一個咁歷史悠久、咁正面、對業界咁重要嘅頒獎典禮都可以咁樣去打壓我哋」，她反指此舉反而有示範作用，令公眾知道藝發局「小器到呢個地步，原來『紅線』呢兩個字都係一個禁忌，對於我嚟講佢哋（局方）就係更加醜陋」。她又提到：「原來講一個事實都係會焫到紅線」，形容藝發局的藝術行政人員想像力豐富，創作及想像空間比創作人更大。
「我哋仲會捱到 大家好團結」
莊梅岩慶幸劇界在創作上仍然有火，「我哋仲會捱到，覺得業界仲行到，睇你點行」；亦有會員主動伸出援手，「好多謝佢哋好團結，同埋證明我哋做嘅嘢係無錯，我哋會繼續用唔同嘅方式行落去」。但她指對未來創作仍有憂慮，「兩三年前喺創作嘅自由已經收窄咗，心痛年青藝術家喺呢種打壓嘅陰霾底下會妥協」。
對於尊子及蔡玉玲成為頒獎嘉賓而被「點名」，莊梅岩稱：「原來佢哋唔鍾意邊個，我哋同佢玩，佢哋都可以執住一兩個人去懲罰我哋」，莊梅岩認為如此針對部分人士實屬欺凌，「我唔會同佢哋一齊欺凌」。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
