特區政府9月中旬啟動「香港夜繽紛」，特首李家超聲稱業界反應正面，揚言要「搞旺和搞活夜市」。《追新聞》走訪多區直擊夜繽紛對經濟的成效，訪問了多位前區議員及商戶。地區人士普遍抱觀望態度，認同有海濱夜市舉行的地點人流確實有所增加，但是旺角、深水埗等平民夜市未見受惠，不少食肆晚上8時後已經再無食客。前區議員朱江瑋質疑，政府封殺原本可以有效推動地區經濟的區議會，然後豪花公帑搞夜市，是「大砲打烏蠅」。
《追新聞》特約記者Wesley Yip報道
「夜繽紛」頭砲之一是在灣仔、堅尼地城、觀塘舉辦海濱夜市，前油尖旺區議員朱江瑋質疑此舉的成本效益，「如果區議會仲喺度，使鬼佢搞咩，逢中秋、端午，各個區自發搞嘅屋邨、地區海濱活動，唔知幾多，根本唔使佢花咁多錢搞，呢啲原本就係香港傳統嘅地區活動」。朱表示，兩年前政府大規模DQ區議員後，自此沒有人再搞海濱活動，「因爲佢殺咗區議會，冇地區團體、冇區議員去搞，結果佢就花大錢，大砲打烏蠅。」
報道無罪 知情有價 請即訂閱《追新聞》：
https://www.patreon.com/thechasernews
朱江瑋指高官搞夜市：「係好X一件事嚟」
夜繽紛3個海濱夜市，由發展局夥拍非政府組織舉辦，朱江瑋批評發展局局長甯漢豪身爲高官，卻去搞海濱夜市，「黐線啦，海濱活動請個普通公關都搞掂啦！」他舉例指，去年自己還在區議會時，在海濱舉辦中秋節目，「最多咪使廿幾萬，你睇佢（甯漢豪）月薪都唔只廿幾萬（編按：問責局長月薪約36萬元）。其實呢個係好X一件事嚟。」
▲朱江瑋指區議會本身就有舉辦夜市、海濱活動的功能，卻被政府封殺。
朱江瑋表示，以往區議會中秋巨型月亮活動、海濱中秋燈飾，「咪一樣又係觀塘海濱」。他直言政府的夜繽紛做騷成份居多，「好有政績工程嘅Feel。」
夜繽紛於9月中舉行啟動禮，《追新聞》記者跟前屯門區議員甄霈霖（Lance）在啟動禮舉行的一星期，到傳統香港的夜市旺區包括深水埗、旺角、油麻地廟街視察。深水埗福榮街食肆林立，是掃街必到的夜市，Lance指去年疫情高峯時，政府禁晚市堂食，當時夜晚最蕭條，「6點幾已經係鬼城，後來好番啲」，但今年初香港與中國大陸全面通關，「開關之後差差差返落去，去到8點後，啲食肆已經返唔到枱。疫情前2019、2018年，呢度起碼做到9點幾、甚至10點半」。
玩具街店主：「唔會益到我哋」
當晚約8時半，記者跟Lance行到玩具街（福榮街），附近一帶商舖已經烏燈黑火，只有一間店舖還未關門，玩具店負責人謝先生表示，店舖開了3年多，晚上的生意明顯不及疫情前，「有客都會做，但實在係冇客」。年初開關後，生意更明顯轉差，形容9月份生意「更加差得緊要」。
▲福榮街晚上8時許已幾乎全部烏燈黑火，只剩謝先生的玩具店尚在營業。
▲玩具店老闆謝先生稱，通關後生意不升反跌。
對於政府推動夜繽紛市集，謝先生質疑如果夜市售賣的僅是魚蛋、熟食、小攤檔的雜物等，「其實周圍都係，夜市唔夜市嚟講就冇咩分別。」他認為雖然夜繽紛會令人流多些，但「唔會益到我哋」，他舉例如果夜繽紛在商場直播足球賽事，「酒吧咪靜蠅蠅」，認爲政府官員需要平衡兩邊利益。同區的高登電腦商場入夜後同樣門可羅雀，無論是地面一層售賣遊戲機產品，或是地庫賣電腦產品，「8點未夠開始收晒」。
甄霈霖稱社會氣氛影響市民消費心情
Lance表示，原本預期通關後的報復式消費沒有出現，「最大鑊係而家開咗關，大家都會去旅行」，中產大多不會留港消費，而是到海外旅行，不少人更加直接上深圳消費。另一個原因是社會氣氛影響消費心情，「（政府）而家仲不停咁拘捕一啲所謂『政治犯』，一陣又話判3年、5年，根本大家就冇心機消費」。他不時會到訪大眾消費的地區，例如葵涌廣場做Facebook直播，不少移民海外的朋友看直播見到香港市況都感歎市面變得蕭條，「譬如波鞋一啲角落頭位，係唔會租唔出，而家已經丟空咗一年、兩年唔止。」
▲甄霈霖指之前預計通關後的報復式消費並無出現。
▲在平民夜市深水埗，不少食肆晚市淡靜，甚少食客光顧。
「夜繽紛」措施之一是呼籲商場延長開放、戲院提供夜場票價優惠，Lance認為商場如果有生意相信本身都會做，惟現在「好似夾硬政府話『商場你開夜啲啦』」。作為屯門地區人士，他直言不會因爲夜繽紛而跨區消費，又引述屯門商戶稱對夜繽紛普遍期待不大，以去年消費券爲例，屯門地區商戶受惠明顯越來越少。他笑稱自己僅受惠於戲院的優惠，「有優惠咪睇下啲本土電影，譬如之前睇《毒舌大狀》、《窄路微塵》。」
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
