「政治理由囚或禁

其實已經很過分

一句不能夠保釋

便要監倉裡等

妳為這城留住愛

承受各種的殘忍

是我心中的正義女神」

《正義女神》

原曲：女人心（梅芳）

作曲：羅大佑

原詞：林夕

二創：樹哥兒

「呢隻歌叫做《正義女神》，特別係啲女記者、女參與者都被囚，我哋覺得佢哋好難得，大家都知，所謂入冊被囚男人都好難受，仲要係女子嘅身份，我哋覺得佢哋無辜被囚然後一路等上庭，我哋覺得要有一啲歌曲，將呢啲情況紀錄下來。」

Poonsan二話不說就把二創新作傳給我，我立即打開YouTube找出原作《女人心》MV，一邊聆聽原唱梅姐梅艷芳神級演出，一邊哼著Poonsan全新二創《正義女神》的歌詞，心中慢慢浮現著鄒幸彤、何桂藍一個又一個香港女政治犯的身影。

這是香港殿堂級填詞人潘源良獻給鄒幸彤、何桂藍等香港女政治犯的二創新作；而包括《正義女神》、《禁歌》、《藍丁格爾的等待果陀與唐吉詞德》等Poonsan全新二創作品，12月5日英國曼徹斯特作全球首次公演。

《禁歌》

狼又禁 羊又禁

文字插畫釘到冚

其實童話煽動又能點過份

總之失去自由唔准過問

你氣憤 我氣憤

氣憤又要點佢都要禁

二創歌曲二創人生

1970年代帶領香港廣東歌殺出一片新天地的香港歌神許冠傑的《加價熱潮》相信大家都耳熟能詳，Sam和鬼馬填詞人黎彼得在原曲《Rock Around the Clock》譜上新詞，寫下1970年代香港經濟起飛，百物騰貴，小市民生活百上加斤的時代聲音，歌詞抵死風趣，成為一代經典。

新時代新香港下，潘源良把本身是二創歌的《加價熱潮》再次二創譜上新詞成為《禁歌》，由他本人親自演繹唱出香港新時代白色恐怖的噤聲歲月，新詞諷刺幽默，但最緊要是失驚無神伸佢一腳：「你冇癮 我有癮 仲要夜繽紛搵老襯」。

「今次演唱會所有都是二創歌曲，好可能我哋嘅生命都係要二創。本來我哋嘅主題曲往時係寫係香港，但係點解我哋要將主題曲抽走，走到過嚟去英國又好，去台灣又好，重新寫過啲歌詞，重新填滿佢呢。咁就係我哋講嘅二創人生，亦都好希望，離開咗香港後（嘅香港人），無論係台灣、英倫或者係今次演唱會嘅曼市也好，藉著呢種二創精神，可以鼓勵大家，可以創出你人生嘅下半場、可以創出你人生嘅另一個階段。」

原創、二創、再二創，創出無限人生；Poonsan今次演唱會英文主題：「You not only live twice!」

「咁唔俾嘅咩？邊樣嘢或邊個條文講過呢啲嘢唔得？」

講禁歌，頌女神、鼓勵走佬港人，Poonsan你唔擔心㗎？我暗忖。

Poonsan隔著嗰Mon傳來澟然之氣：「紅線就係，你唔掂就唔知咩叫紅線，我真係唔知，香港一直講話，咁自由、由亂入治，大家咪唱好佢。然後將大家見過嘅歷史可以表達返出嚟。咁唔俾嘅咩？邊樣嘢或邊個條文講過呢啲嘢唔得？所以，我唔覺得我哋自己要自設紅線，然後話：『嗱，我都話啦，呢啲唔得㗎，咁樣唔得，我要轉彎抺角嚟講。』咁咪連我哋本來應該有嘅表達自由都自行閹割或自行放棄。我只係寫同唱、二創我見到我認識我感覺嘅東西。」 

「有個正義朋友在運動過後

一家幾口覺得告別係時候

聽見對岸民進小英會幫手

自問係個好人應該肯接收

香港一聲拜拜試下搞生意

計晒稅務條款差不多透支

據說到埗年零應該有餐士

但係實際可能媽祖先會知」

《入籍大鑊中》

原曲：皇后大道東

作曲：羅大佑

原詞：林夕

二創：潘源良

知BNO港人唔容易勉互撐  籲續將香港最好帶給世界

Poonsan二創唱我觀我感。

2020年移居台灣的潘源良目睹身邊港人入籍困難，雖然自目己移民台灣過程順利，但他把羅大佑《皇后大道東》譜上新詞，成為《入籍大鑊中》，道出近年離散港人第一道心聲。其實，他的另一二創作品《英倫路上》就是「講BNO移民過去嘅朋友」。

Poonsan希望透過下月5日曼城二創演唱會為在英BNO港人打氣，在類似香港藝術中心壽臣劇院的表演場地Stoller Hall，齊唱二創，大玩遊戲：「我希望真正可以接觸到好多出咗外地或者而家比較迷惘需要我哋打氣接觸嘅（香港人），特別係後生仔或者年輕過我嘅人，佢哋有家庭有子女，都唔容易，我哋都知道，真係好困難。我相信大家互相扶持，以香港人嘅精神同埋香港人嘅魄力同效率，大家可以互相支撐到向未來，繼續將香港最好嘅帶畀呢個世界。」

「曾有過會落淚的往事

今天深呼吸仍然步向前

從捨不得的香港輾轉到了五加一的英倫

若未及說再見

是仍期待又見。」

《英倫路上》

原曲：Strees of London

原作曲並詞： Ralph McTell

二創歌詞：樹歌兒