天主教教宗方濟各周日（9日）在梵蒂岡宣佈擢升21名新樞機，當中包括天主教香港教區主教周守仁，是天主教香港教區歷來第4名樞機。周守仁周一（10日）表示，期望香港社會獲修和，讓港人有喘息空間，並給年輕人希望，「特別係嗰啲犯過事嗰啲，都有返佢哋嘅前途」，又透露梵蒂岡一直知道中國政治及宗教狀況。

方濟各周日在誦念《三鐘經》期間宣佈擢升21名新樞機，9月30日在梵蒂岡的樞密會議舉行擢升儀式。21名新樞機來自美國、阿根廷、以色列、南非等地，亞洲區除了周守仁外，還有馬來西亞檳城主教施恩天（Sebastian Francis）獲升為樞機。方濟各表示新一批樞機來自世界各地，顯示教會的普世性質。

報道無罪　知情有價　請即訂閱《追新聞》：
https://www.patreon.com/thechasernews

「歷史主宰會幫我哋」

周守仁周一（10日）會見記者，表示他是在周日方濟各宣佈樞機任命後才獲知消息，對此感到難以置信，「初時就係話，係咪聽錯嘢呀？有啲唔係好相信啦」。周守仁形容被任命為樞機是一份責任感，「一個新嘅使命，係上主藉着教宗委派出嚟嘅使命囉」。他提到仍然在世的兩名香港樞機，稱已見過湯漢並獲對方恭賀，但暫時未有機會跟陳日君見面。

周守仁亦被問到對2019年被捕的示威者看法，他表示「期望多啲修和同畀年青人多啲希望，特別係嗰啲、佢哋犯過事嗰啲啦，都有返佢哋嘅前途，我覺得好重要」，重申希望社會修和，「等香港人能夠有機會休息吓，修和、平靜返落嚟，呢個當然好多方面要配合啦，不過我相信歷史嘅主宰會幫我哋嘅，只要我哋心向呢樣就得」，他會繼續在香港教區主教崗位服務。至於中國宗教現狀，周守仁稱「其實梵蒂岡係知㗎」，但稱教廷「有唔方便……唔同地方去做啦，就唔係一定要公開去做嘅」。

擢升速度香港歷任最快

63歲的周守仁是天主教香港教區第4名樞機主教，此前3人分別是2002年逝世的胡振中樞機、2006年獲擢升的陳日君樞機，以及2012年獲擢升的湯漢樞機，至於任內離世的主教楊鳴章則未獲升為樞機。相比以往3人，胡振中出任主教13年後才獲升為樞機，陳日君和湯漢升任樞機時亦已分別擔任主教3年半和2年半，2021年12月出任主教的周守仁獲擢升速度較他們都快。

樞機又稱為紅衣主教，有權在教宗出缺後投選新一任教宗，雖然香港目前有3名樞機，不過陳日君和湯漢都因年逾80歲而喪失投票權，故周守仁將是唯一一名可投票的香港代表。