1999、2020——這兩年的六四對前支聯會青年組常務秘書丘文俊來說，或許是意義最深的兩次。前一遭，他首次參加維園六四晚會，因此加入支聯會成為義工，命運從此改寫；後一次，他在支聯會被拒批集會下，親歷市民自行進入維園悼念，高呼「光復香港，時代革命」，見證反送中運動對六四帶來的質變。如今丘文俊身在英國，他接受《追新聞》專訪時，認為2019年的抗爭令港人醒覺及變得團結，有信心海外港人能堅持信念，勉勵大家照顧自己，「我哋呢場仗係未完，要繼續行落去」。

丘文俊的童年在中國大陸渡過，因當局封鎖資訊，年幼時對六四一無所知，直至後來移居香港，1999年讀中二時在學校教師帶隊下初次參加維園燭光晚會，才首度接觸到六四，「原來八九年喺自己身處嘅地點、國度裡面，係有一段咁嘅、完全係零接觸嘅一段史實。嗰晚支聯會嘅場刊入面有一啲死難者嘅名，當時睇完，『咦，乜原來呢件事死咗咁多大學生』。我所認知裡面嗰個世界係冇呢段歷史。」丘文俊此後既感衝擊又感好奇，於是到圖書館借閱與六四有關的書籍和影像資料，逐漸了解六四。

報道無罪　知情有價　請即訂閱《追新聞》：
https://www.patreon.com/thechasernews

轟港府清洗圖書館「仲極端過八九年嗰套」

那次晚會也是丘文俊投身支聯會的起點，他憶述晚會上有支聯會義工詢問他與同學是否有興趣擔任義工，各人都報名參加，不久後便接到支聯會的電話通知，「跟住就去做義工喇」。丘文俊其間在支聯會進一步接觸六四史料，形容思想上的衝擊很大，「好似點解、係咪畀人呃咗好耐咁呢？點解喺國內嗰一套，完全我哋所認知嘅，係冇（六四）㗎呢？」

當初透過學校和圖書館接觸六四資訊的丘文俊，提到近期港府清算教育界、清洗圖書館的行徑：「咁而家香港行緊嘅就係銷毀歷史啦，即係好似八九年之後嘅中國一樣，係想清洗成個人對良知、對呢啲歷史真相嘅……共產黨一路其實而家行緊，仲極端過八九年嗰套，依家連香港人嘅思想都要去想清洗。」他續稱政權的舉動只反映其虛怯，「佢擔心人民會銘記、驚人民唔認同佢，從而佢係想洗哂、夾硬嚟，想洗哂呢啲歷史真相」，情況有如秦始皇焚書坑儒。

反送中connect六四：面對極權成命運共同體

支聯會主辦的六四晚會不時發生爭議，然而後來香港局勢巨變，維園的一點燭光彷似又重新凝聚香港人，2020年支聯會被禁止舉行六四晚會，但六四當晚仍有數以萬計市民自行湧入維園燃起燭光，場內口號除了昔日的「平反六四」、「結束一黨專政」外，更多是香港人獨有的抗爭口號。當晚在場的丘文俊表示對此感受甚深：「嗰一年，後生又好、老一輩又好，係一齊嗌『香港獨立，唯一出路』、一齊嗌『光復香港，時代革命』……呢個暴政令到香港人一夜間團結喺一齊。」

丘文俊續稱，在反送中運動前爆發的年頭，支聯會曾被批評行禮如儀，「但係當呢個胡椒噴霧、當黑警嘅子彈都射向香港嘅後生仔女嘅時候，我哋就發覺喺面對中共呢個極權政府底下，大家都成為咗個命運共同體。」他形容自從2019年後，香港人也有很多個屬於自己的六四，包括「612」、「721」、「831」等，因此如今毋忘六四的燭光，同時也反映港人對心中信念的堅持，希望港人除了舉起燭光，也向下一代保存六四以至2019年的歷史。

丘文俊去年到倫敦參加他移居英國後的首個六四集會，他形容跟在港出席時感受很不同，儘管倫敦的集會經歷30多年，同樣有點行禮如儀，但目睹香港、維吾爾、西藏等受政權逼害的不同人士出席，「我見到中共真係好叻，佢令到好多受過佢唔同逼害嘅人，我哋可以一齊團結」，並尋求讓英國人知道中共的惡行。

勉港人保持身心健康：條路會越行越康莊

政權無日無之的打壓、狙擊難免讓人感到灰心，多次舉辦示威活動的丘文俊坦言，一些在英港人同樣出現抗爭疲勞，部分以往在集會出現過的面孔不再復見，他對此表示理解，「大家可能攰、可能疲勞，大家可以暫時休息下，但係請大家唔好放棄……請大家唔好氣餒，其實我哋大家並不孤單，我都曾經經歷過一段好難捱嘅日子。」

丘文俊認為港人經歷反送中運動後已完全醒覺，相信港人不會「話擺低咗就擺低咗」，每當有大是大非的事情，香港人便會再次走出來，「我係信任我所認知嘅香港人……我哋曾經喺香港嗰段時期一齊咁樣行過，喺呢度，我哋會繼續喺一齊」。他勉勵港人照顧自己、保持身心健康，面對困難時不要氣餒，與此同時堅持信念，「我哋相信我哋係會越行越大，條路係會越行越康莊嘅」。

 

==============================

後記：離開了卻散落四周的「國殤之柱」

記者採訪丘文俊前，請他帶上一件跟六四有關的物品，向讀者介紹物品跟他的關係和意義。結果丘文俊帶來丹麥藝術家高志活近日為「全球響應展出國殤之柱直幡」活動，向各地民主人士寄發的「國殤之柱」直幡，這些直幡預計將於全球最少42個城市公開展示，最大的一塊有9米高。

丘文俊帶來的直幡是高1.8米的較小版本，預計將於本周日（4日）在伯明翰舉行的燭光悼念晚會展出。他解釋展示國殤之柱直幡的意義，是向極權展示世人沒有遺忘六四歷史，同時悼念六四亡魂：「今年維園燭光不再，我哋希望喺全球唔同地方繼續延續對普世價值、對八九六四，我哋係冇忘記過，係會繼續堅持。」