英格蘭和威爾斯上周四（2日）舉行地方選舉，選出超過2,600名地方議員、市長等職位。《追新聞》查閱數個大城市的候選人名單，發現最少有兩名港人以BN(O)身分出選。曼城退休教師Charlie Ng連續兩屆替保守黨出選，希望為社區付出，擔任港人融入社區的橋樑。今屆出選大曼徹斯特（Greater Manchester）索爾福市（Salford）Ordsall區，以尾二202票落敗，上屆他出選Blackfriars and Trinity選區則有150票。兩區長期為工黨（Labour Party）的安全選區，保守黨亦在被視為下屆大選結果的前哨戰中慘敗，為何他堅持以保守黨身分出選？
《追新聞》特約記者Galileo Cheng報道
報道無罪 知情有價 請即訂閱《追新聞》：
https://www.patreon.com/thechasernews
社區工作不單為勝選
Charlie Ng五年前退休後以BN(O)簽證定居英國，「我覺得需要回饋社會…好自然嘅，無乜其他諗法，我唔係太認同Labour（工黨）嘅想法，入保守黨係自己嘅事。」但他強調是需要表現代表政黨對社區的關心，不會因為曼徹斯特，以至西北地區傳統歷史上由工黨佔優就「跳船」，希望給公眾一個選擇。
「如果我諗住贏，咁我就跳船去工黨啦，當然唔係我嘅意向。我自己入保守黨都係認同其理念，所以我一定要留低喺呢度…… 每個黨都需要（人選）表達對社區嘅關心。」
作為基督徒，他自言工黨政府左傾，太「左膠」，參選亦是作為保守黨黨員的承諾，盡力投入政治，將自己作為示例，讓香港人知道，改善社區亦是自己的責任。「你作為一個英國人，你參選、投入政治係你生活嘅一部分。如果香港人來呢度退休，如果乜嘢都唔理就有啲可惜。」
「黨好需要人喺每一個選區去參選……今年感覺係多咗香港人關心佢哋嘅社區。」Charlie提到英國的地區議會（Council）有權力管理社區發展，但一般市民已習慣每年都有地區選舉，反而是香港人對選舉更加關心，特別是社區規劃的問題。
港人同樣關心社區事務
Orsall是一個人口近萬五人的小城，城內的Orsall Hall最早建於13世紀都鐸王朝間，至1990年代，曾經為大曼區最破敗地區，罪案率排首位，失業率達英國平均之兩倍，甚至發生過暴動，至2007年進行大型市區重建方有改善。
這些發展亦令到社區開始疏離，「你睇吓鄉村、Suburb個啲，每一個門口你都可以Approach（接觸），即係有個信箱……愈係大城市如曼徹斯特呢類，每一楝大廈有三百個單位，你係入唔到去見你嘅Potential Voter，其實係幾困難吓。」
他提到香港文化社及Salford Hongkongers CIC上月19日在Eccles Town Hall舉行市長選舉答問會中，香港居民提出的社區問題，「有撥款下來但無填Pothole（路坑），錢無郁過，問題係你整個Council有咁多人，但點解唔去做事？」
工黨上場 選民監察
「比較多左傾嘅施政實行，將道路全部改成20 Miles（英里，30公里限速），我覺得會一直擴大。」他亦留意到工黨控制的市議會不斷批准城市發展，新建的大廈卻都沒有停車場，「社區沒有一個配套，社區越來越擠迫……我覺得呢個議題會係呢一區嘅重心。」
問到工黨稍後大選很大機會實現十幾年來政黨輪替，Charlie喝着啤酒，說的輕鬆，「Brexit（脫歐）好大影響到香港人嘅生活，但喺自由社會，每一個政黨上台到差不多（時候）選民就會有少少轉變嘅意向，其實好正常。」「有傳統嘅Check and Balance（權力平均），如果工黨上場，給佢三、四年（時間），選民會知道佢嘅執政做得如何，就會另外有一個平衡點會反轉。」
替港人作橋樑
問到Charlie如果仍在香港，他會否出選？他透露以前在香港是公務員，持守政治中立，退休以後才表達自己對政治的看法。他提到香港的區議會僅為諮詢機構，特別在取消兩個市政局後失去實權，不同英國可以處理撥款及做實事。
他覺得自己的角色就是一個會說多種語言的英國人，不是為了提升香港人的身分。「我無咁偉大啦……因為有好多香港人真係怕講嘢，有一個人幫忙就會好好多。」他希望多參與香港人CIC的活動，了解多一點香港人的需要，幫助他們適應生活，「但其實住落啲人已經好識得去分享資訊。」
華人參政與中國因素
新近當選的香港人都循自由民主黨（Liberal Democrats）當選，亦坦言自民黨對移民的態度比較開放，接納移英港人以平權而來的BN(O)身分出選。這些自民黨的人選，都非常強調自己香港人的身分。但不同於曾經積極籌建「華人參政計劃」及「香港英籍華人網絡」，被軍情五處（MI5）指控為中共統戰部代理人的港裔女律師李貞駒（Christina Lee），他們高調支持香港的民主運動。
英國三個主要政黨均有華人分部，包括保守黨華人之友（Conservative Friends of the Chinese）、前身為華人工黨的東亞及東南亞工黨（East and Southeast Asians for Labour）、華人自民黨。保守黨華人之友（Conservative Friends of the Chinese）是保守黨的分支，支持英國華人及華裔政治參與，達至共融。2019年大選中出戰漢普斯德和基爾伯恩（Hampstead and Kilburn）國會選區的32歲陸勤業Johnny Luk是其中一位，父親來自香港，母親為台灣人，他已公開表示來屆將會參選Milton Keynes Central新設選區的國會議員。由於需聯繫華人及中國，中國駐英公使多次出席他們的活動。
2015年，居於倫敦Hammersmith的前投行經理王鑫剛Xingang Wang曾代表保守黨挑戰長期由工黨控制的曼徹斯特Manchester Central議席，以歷來黨內最好成績落選。除此以外，絕少華人強調自己香港人身分。至少Charlie Ng亦然。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
