明年維園年宵市集攤位周二（14日）舉行第二天競投，民主黨主席羅健熙於競投儀式後表示，該黨派員投得靠近天后出口的乾貨攤位，但被食環署以「保留絕對權利」條文拒絕簽約。羅健熙表示競投原意是接觸市民，「交流下傾下偈」，形容民主黨「唔會做出啲咩花樣」，並透露參與競投的職員未公開其民主黨背景，便已遭食環署職員「DQ」，對此感到詫異，但會繼續盡力聆聽市民心聲。

今次涉及的攤位是鄰近維園天后出口的1號攤位，民主黨周二（14日）上午有成員競投1號攤位，以2.5萬元成功投得，惟食環署未有按慣例，即時在競投場地後台簽訂租約，反指競投者「以往不守規則」，已被列入黑名單，引用《農曆年宵市場攤位競投守則》（下稱《守則》）第10h條收回攤位重新競投，並以2.35萬元再拍出。

報道無罪　知情有價　請即訂閱《追新聞》：
https://www.patreon.com/thechasernews

民主黨其後上載影片交代始末，羅健熙形容過去多年以來，只要維園年宵市集提供乾貨攤位，民主黨必會競投，過去數年只因疫情無法參與年宵，而無論是民主派還是親建制陣營，過往都會在維園設有攤位，「咁今年即係一如既往、諗住開返乾貨嘞，又去投下」。

羅健熙表示今年民主黨派職員競投年宵攤位的安排與以往相同，但這次派出的同事競投後收到食環署回覆，稱當局按照《守則》第10h條表示不能簽約，「冇任何原因，總之就唔得啦，咁樣」。他還透露職員投得攤位後按程序登記個人資料，尚未到達表明所屬公司及業務的階段，便已被告知遭「DQ」，對此相當詫異，但不揣測政府內部是否有「黑名單」。

稱事件無謂：唔諗住有咩政治口號

羅健熙笑言今年年宵本來打算親自到民主黨攤檔幫忙，「雖然都唔知賣啲咩好㗎嘞……亦都唔諗住有咩政治口號呀、要做啲咩嗰啲」，只打算「見下市民，大家交流下、傾下偈，或者可能寫下揮春咁」，惜事與願違，「冇辦法喺維園同大家見面嘞」，對失去跟市民接觸的機會感可惜，「我唔明有啲咩大不了呢？我哋又唔會做出啲咩花樣㗎嘞，唔通喺個檔口做啲嘢，搞到自己畀人拉咩……咁點解連嗰啲地方都唔能夠呢？」

羅健熙回顧民主黨在過往年宵市集的工作，稱該黨攤位除發售具政治諷刺性質的產品外，「但而家都唔會有㗎啦」，大部分時間屬「與民同樂」，「講下啲無聊嘢，攞住個咪嗌下啲無聊嘢」，並表示他一直認為年宵市集是市民湊熱鬧的地方，加上農曆新年屬喜慶節日，因此「好嬲嘅嘢唔會講」。他形容事件「好無謂」，認為從理性角度出發「有好多位都唔明」。

續服務市民　盼新年互相祝賀

民主黨近期多次活動觸礁，其中籌款晚宴在過去一年多已連續4次被餐廳突然取消場地，該黨所有成員亦未能在下月舉行的區議會選舉中「入閘」。羅健熙表示他會繼續服務市民，「嗰啲三番四次地去面對嘅挫敗都好、做唔到我哋都做嘅一啲嘢都好，我哋面對嘅困難就係咁，咁我哋咪繼續去嘗試囉，個心態基本上係冇變」。羅健熙稱只能接受事實，「呢度唔得，咪試下其他地方囉」，會盡力循不同途徑「繼續去做」。

至於民主黨具體可做的事，羅健熙坦言或要透過非官方渠道嘗試：「有啲嘢唔使經政府申請、又唔使同佢簽合約嘅，咁我諗嗰啲點都做得啩」，認為這些渠道至今未遇上太大困難。他表示會繼續在地區接觸居民、噓寒問暖，「新年大家互相祝賀下，少少先啦，暫時係咁先啦」，希望盡力在香港與市民一起過日子。

涉事攤位昔日長期由支聯會擺檔

另外，民主黨副主席伍凱欣周二（14日）亦以個人身份競投維園年宵攤檔，但投得攤位後同被食環署職員「叫入房」，並以《守則》第10h條取消其競投資格。伍凱欣表示，她本來計劃販賣零食，純屬商業性質，稱署方「連我賣咩都未知就DQ」，感到無奈。

維園年宵市集1號乾貨攤位過去大部分時期由支聯會投得，售賣六四紀念品，後期更於攤位佈置迷你「六四紀念館」，最後一次使用該位置是2019年農曆新年年宵，其後因疫情緣故，維園年宵已4年未有乾貨攤位。支聯會於2020年年宵市集仍有利用濕貨攤位擺檔，但港區國安法通過後的2021年年宵市集上，支聯會的攤位首天便被關閉，此後再也沒有民主派成功在政府年宵市集開檔，非官方的市集亦不時遭警方以各種原因掃蕩。

除了歷史悠久的民主派團體，一些組織亦曾在年宵市集被當局「DQ」，其中青年新政和香港民族黨2017年於維園年宵市集的攤位，都臨時被食環署取消資格，青年新政前立法會議員游蕙禎及其他成員曾到被「DQ」的攤檔原地，向市民解釋事件，食環署一度報警。