【影片更正：英國國會聯署達標應為1萬人，教育部作出書面回應。】
移英港人發起英國國會聯署，爭取居英3年BN(O)簽證持有人獲大學本地生學費資格。由於聯署人數超過1萬人，英國政府需要作出書面回覆。英國教育部周一（4日）回應稱，維持負責高等教育的政務次官賀方柏（Robert Halfon）早前公佈的政策維持不變，BN(O)簽證持有人獲得「永久居留身份」後，隨即有資格獲取本地生學費（home fee）及財務支援。
Hong Kong Student Alliance CIC負責人梁雋熙（Clark Leung）接受《追新聞》訪問時指出，BN(O)簽證持有人爭取本地生學費資格的聯署在過去兩年已做了5次，今次第一次取得超過1萬人聯署，縱使教育部的回應只重申1月底的新政策，但也算是一個好開始。
對於聯署能否在今年7月11日限期前，將聯署人數推至10萬，Clark說：「未必，但都有啲希望喺local層面推動。」他續指，若然國會議員能持續關注移英港人訴求，或者無需10萬聯署就能提呈國會討論，而當中需要與上、下議院有聯繫的港人組織合力推動才有曙光。
報道無罪 知情有價 請即訂閱《追新聞》：
https://www.patreon.com/thechasernews
Chloe：未能負擔高昂國際生學費選擇gap year
因為未能負擔高昂的國際生學費選擇休學的Chloe，她向《追新聞》記者表示，打算休學直至可以用本地生學費入大學為止。Chloe在2023年6月應考英國高級程度會考（A-level），試前已獲約克大學（University of York）、曼徹斯特大學（University of Manchester），以及倫敦國王學院（King’s College London）的哲學、政治及經濟科（PPE）發出有條件取錄（conditional offer），不過跟家人商量後明白未能負擔6萬至10萬鎊的國際生學費，決定先投身社會。
幸運地，Chloe找到工作，打算將休學年延續下去，「目前我要等本地生學費入學嘅話最少要等多兩年半。而兩年後究竟世界會變成點？自己會唔會已經習慣工作環境而唔想重拾學業？我自己都冇確切嘅答案。」
換言之，Chloe在教育部的新政策下，她估計需要停學3年。她說：「3年嘅停學對我帶嚟好多不確定性。喺學業生涯上可能冇咗某啲機會，但我會樂觀積極面對，喺現有嘅情況儘量發揮，就係我而家認為最好嘅打算！」
截至周三早上9時為止，聯署達14,081人。Chloe坦言，難以達到10萬聯署的目標，「我覺得係因為呢件事並冇影響好多人，例如年紀較細嘅小朋友，喺讀大學嘅時候就已經會有永居權，即係可以用local fee讀；而比我大嘅朋友又已經大學畢業，或者唔再有需要讀書，所以主要係影響我呢個年紀，喺啱啱移民呢幾年就需要讀大學嘅人。既然受影響嘅人數較少，自然就難啲可以搵到10萬人簽署。」
「爭取平均待遇，不是『蝗蟲』」
對於網上反對聲音指摘他們是「蝗蟲」、博取英國政府福利，Chloe駁稱：「好多人一聽到『local fee』就會覺得我們哋搶福利，然後就話香港人唔可以貪得無厭，同蝗蟲一樣。但其實我哋爭取嘅係平等待遇，同其他英國護照持有人一樣，都係要喺英國居留3年後先可以享有local fee待遇，但很多人唔會仔細了解當中嘅分別，一見到『爭取』較『便宜』嘅學費就會覺得我哋係搵着數。」
她寄語，自己只是比較幸運的，因為能在休學年找到工作，而現今社會的工作要求都要大學畢業。她鼓勵同路人：「唔知道有冇同我差不多遭遇嘅人可能會變成雙失，失學和失業，咁樣無論係對學生嘅個人發展，佢嘅家庭，甚至對英國，都冇任何好處。所以我絕對理解大家嘅睇法，亦認同唔應該麻木攞着數，但如果事情可以造成雙贏局面，又何樂而不為呢？」
爭取居英3年BN(O)簽證持有人獲大學本地生學費資格聯署連結：
https://petition.parliament.uk/petitions/653888
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
