台北銅鑼灣書店店主林榮基傳來相片，他比三個月前出席公開場合時顯得憔悴。他表示，他兩個月前證實肺腺癌復發，部份癌細胞靠近心臟，醫生定性為為第四期。他入院做腫瘤切除手術後，整個人「散晒」。林上周四（10日）起接受化療及基因治療，整個療程據報長達兩年。香港銅鑼灣書店事件後一直和中共周旋的林榮基指出，黎智英、劉曉波、戴耀廷才是生命鬥士，他不敢當，但他會抗癌到底。
報道無罪 知情有價 請即訂閱《追新聞》：
https://www.patreon.com/thechasernews
「而家爆出嚟，本來一期都唔算係，而家第四期。」今年年底將70歲的林榮基兩年前罹患肺腺癌，經過治療，大致康復。他今年5月進行兩年一次的電腦斷層掃瞄檢查，確認癌症復發，部份癌細胞貼近心臟，治療難度較之前大。「我冇諗到佢復發得咁快，一標就標出嚟、多咗出嚟。」他之後入院進行切除手術，前後留院廿多日。
留院期間因病情關係味覺驟變，飲水只覺滿口腥味，情況如中武肺，他無法進食，人開始消瘦：「食唔到嘢，個人瞓到吽晒。」由於切除了部份肺部組織，缺氧情況明顯，他開始使用氧氣機。「朋友嚟探望，我叫佢唔好嚟。嚟親要傾偈。傾偈好嘥氣！」不過，缺氧近期情況有所改善，他已經停止使用氧氣機。
這也是台北銅鑼灣書店由5月起陸續休息至7月的原因。他表示，台北銅鑼灣書店資金穩健，至少可繼續營運兩年。
林榮基上星期四（10日）起開始接受化療及基因治療，身體反應較兩年前做化療時強烈，出現作嘔、疲倦，食欲不振等情況，但身體情況尚可，他可以開始再做運動。他表示，他現時每隔三星期做一次化療，化療前一星期覆診抽血，估計整個療程長達兩年。
「我大哥大腸癌，痛到叫生叫死。我二佬係淋巴癌，又係痛到隻狗咁。」林表示，像他般的肺腺癌患者存活期約4、5年，自言不太擔心：「醫生醫到咪醫，醫唔到咪問個天。」鐵漢如他最怕痛，期許每天過得好。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
