RubberBand首個世界巡迴演唱會《RubberBand Ciao World Tour 2023》，周日（26日）在英國曼城AO Arena舉行第二站，吸引數千名在英港人入場。全晚台上台下打成一片，燈海照遍全場。主音歌手6號憑樂隊代表作《睜開眼》寄語港人，「我哋一齊去感受呢段可能係難過、害怕、慌張嘅黑暗時間，但係我哋信念唔可以冇……越黑暗嘅環境，更加要睜開眼。」當他獻唱人氣女歌手方皓玟的代表作《假使世界原來不像你預期》時，更一度感觸拭淚，台下觀眾即高喊加油打氣，場面感人。

RubberBand曼城站演唱會在可容納逾萬觀眾的AO Arena舉行，吸引數千名觀眾入場。雖然不是全場開放，但反而令觀眾更集中，與台上距離更親近，令整晚全場都非常有氣氛。RubberBand獻唱了多首代表作，包括《阿波羅》、《發現號》、《未來見》、《睜開眼》，期間台上大螢幕會穿插播放香港的大城小景，以慰藉移英港人的思鄉之念。

 

報道無罪　知情有價　請即訂閱《追新聞》：
https://www.patreon.com/thechasernews

當獻唱《睜開眼》時，大會將場內的燈光調較到最暗，6號說：「嚟到曼徹斯特，好想將我哋喺香港珍重嘅嘢帶畀你哋。」他提議在場觀眾一起把手機的照明也關掉，續道：「我哋一齊去感受呢段可能係難過、害怕、慌張嘅黑暗時間，但係我哋信念唔可以冇。我哋嘅信念就係，越黑暗嘅時間，越黑暗嘅環境，更加要睜開眼。」當唱到《山河故人》時，台上大螢幕打出歌詞字幕：「何年秋天，硝煙在撲面，在對陣裏終於碰面，聽我叫喊往昔那初衷，這秒你有否顫動？一生摯友，走不出變奏，初心一早失守，總會有缺口……」令台下觀眾不期然想起因為政見與良知，這些年跟曾經的友人分道揚鑣。

演唱會至後段，RubberBand獻唱達明一派與方皓玟的歌曲。當唱到方皓玟代表作之一《假使世界原來不像你預期》，6號邀請台下觀眾一齊唱，但只唱了第一句「容我割開這肉身」，6號已經「失守」，忍不住激動拭淚，台下觀眾隨即高喊「加油啊」，並不停揮動手上的手機燈光，為RubberBand打氣，之後6號繼續唱也忍不着再度哽咽，場面感人。6號在台上多謝觀眾及樂迷支持，「唔係自己歌都咁感觸，呢個就係音樂嘅力量，好多謝明哥、達明一派，方皓玟、方小明。」

6號續稱，達明一派「明哥」黃耀明與「小明」方皓玟都是RubberBand很尊敬的音樂人及音樂單位，兩者都有一個「明」字，「明白，係好緊要，明白，係RB好相信呢件事，好感謝千里外嘅你哋去明白我哋，不論我哋有幾咁甩漏、幾咁多失誤、唱得唔好、喊、走音、彈得唔好，我哋咁多年走來，你哋都聽我哋嘅音樂，等待我哋嚟到曼徹斯特。」他說RubberBand兌現承諾，「說了再見，就會再見」，「嚟得呢度都係自己人，好感謝你哋。」

RubberBand已完成英國站兩場演唱會，之後會轉到德國及荷蘭繼續演出，周二（28日）晚上在柏林Huxley’s Neue Welt開騷，然後周日（4月2日）就到阿姆斯特丹Melkweg尾站謝幕。

《RubberBand Ciao World Tour 2023》英國曼徹斯特站歌單

1. Dedicated To…
2. 醒未?
3. 豬籠墟事變
4. 細街盃
5. （戀人日常）的直線抽擊
6. 小涼伴
7. 阿波羅
8. 天台飛人
9. 每道微小
10. 漫長
11. 睜開眼
12. 山河故人
13. 好好地過
14. 倒行詩
15. 練習說再見
16. Hello?
17. 今天應該很高興（原唱：達明一派）
18. 假使世界原來不像你預期（原唱：方皓玟）
19. 夥伙
20. 這刻我們
21. 逆流之歌
22. 發現號
23. 未來見
24. Ciao

Encore
25. 夏令時間
26. 一早地下鐵
27. 你和我