「但有一個夢，不會死，記着吧！無論雨怎麼打，自由仍是會開花！」在昨天這個「特別日子」，《自由花》響徹京士頓（Kingston）Fairfield Park，「哪裡有燭光，哪裡就是維園」，約一千人在草地上手持蠟燭悼念六四死難者，在這裡沒有警察嚴密佈防，沒有人因穿黑衣被捕，參與者說：「我係為香港人而嚟，佢哋做唔到嘅事，由我哋做」；另一來自中國、在英居住了6年的女子，昨晚是第二年參與六四晚會，其丈夫是新疆人：「我為中國感到可恥，因親人是當兵，六四當天有份參與屠城，佢事後話班學生搞事係自己攞嚟衰，亦唔畀我知道真相。」

報道無罪　知情有價　請即訂閱《追新聞》：
https://www.patreon.com/thechasernews

千名悼念者坐在草地上燃點蠟燭，點點燭光映照在巨型「國殤之柱」直幡及「毋忘六四」橫額上，彷彿重回維園，主辦單位邀請了支聯會前常委李永達、政治文化研究學者黃偉國博士及「攬炒巴」劉祖迪發言，各人訴說着對六四的感受及薪火相傳的重要。 

「有責任幫做唔到嘅人延續集會」 

參與者有一家老少、英國人及長者夫婦，其中來自香港的陳先生與太太，帶了三歲兒子及十一歲女兒前來集會，他是第一次參與六四晚會：「希望讓小朋友知道歷史真相，亦想佢哋知道點解一家人要離開香港，最重要係喺自由國度嘅香港人，有責任幫做唔到嘅香港人延續六四集會。」 

連續兩年參與六四集會、來自新疆的Junnam與祖籍河北的妻子都是留學生，畢業後定居英國，他們對出身於中國感到愧疚，深知中共不在乎人命、公義、自由，所以不想回國。Junnam妻的親人當兵，有份參與屠城，「佢話班學生搞事係自己攞嚟衰，當時我好細個，佢唔畀我知道真相，亦不斷同我洗腦，話共產黨幾咁好。我之後去咗台灣，先體驗到咩係民主、自由，然後再到英國讀書。我鍾意香港文化，想學廣東話都唔畀，最後要自己偷偷地學，依家已經同親人斷絕關係」。 

新疆男勉勵港人勿失去信念 

Junnam則勉勵香港人不要失去信念：「以新疆為例，大家要站出來說出真相，讓更多人知道入面發生的事，與英國人及不同種族的人團結在一起，這是中共最害怕的」。

主持人Leo希望六四終有一天能平反，「對於今天有約千人出席，人數係比上年多，但大家都想返維園舉行，可惜已無可能」，「我亦希望嚟到英國嘅港人唔好只掛住吃喝玩樂，我哋無槍、無炮，點樣打仗？如果大家仲幫襯中超、買中國貨，即係支持緊佢哋嘅經濟」。 

對於六四的世代爭拗，Leo認為共產黨係大家嘅共同敵人，大家應該團結起來對抗巨獸，「佢越唔想我哋做，就越要悼念，讓世界知道中國嘅黑暗」。