英國大選點票結果陸續出爐，逾14萬BN(O)簽證港人抵達英國，持有BN(O)護照的港人有權投票在今屆大選成為「首投族」，究竟會否一如香港監察（Hong Kong Watch）發表的研究報告所料，港人首投族能撼動英國大選議席？在港人熱門聚居地的結果如何？港人關注的候選人又能夠問鼎國會議員呢？《追新聞》為讀者總結英國大選結果。
報道無罪 知情有價 請即訂閱《追新聞》：
https://www.patreon.com/thechasernews
香港監察去年11月發表的研究報告指出，移英港人登記做選民比例高，投票意欲也高於全國水平，直言部份選區議席的選情會受港人選民影響。一如所料，研究列出的最大機會受港人選民左右的選區包括南沃靈頓、溫布頓、肯辛頓、卡爾夏登及沃林頓都全部變天（見圖），保守黨全軍盡墨，由工黨或自民黨參選人取而代之。
至於，港人關注的參選人則各有輸贏，香港大律師公會前主席夏博義（Paul Harris）代表自民黨出戰Aldershot選區，得票為4,052、排第四，該區由工黨Alex Baker以19,764票當選。在香港明德醫院出生、西貢飛鵝山長大的保守黨籍參選人Lucy Demery出戰雷丁Wokingham選區，則以8,348票之差，不敵自民黨參選人Clive Jones飲恨。雷丁另一選區Woodley and Earley，英國《金融時報》前記者楊緣（Yuan Yang）首次代表工黨參選，以18,209票擊敗保守黨籍參選人Pauline Jorgensen。保守黨的麥大粒（Alan Mak）與工黨的陳美麗（Sarah Owen）分別在自己的選區Havant與Luton North連任。
港人為楊緣助選：唔擔心其中國出生背景
為楊緣助選的香港人義工Richard接受《追新聞》訪問時表示，他在投票日在清晨6時開始進行助選工作，首先到票站做計票人統計投票數字，然後「洗區」，工作至晚上9時，直至今早5時許才知結果，「嗰陣都好擔心，話有機會要重點，最後都贏咗800幾票，呢一區係好難贏嘅地區，好開心贏到喇！」
現年25歲的港人Richard持有英籍，2019年曾在香港為民主派區議員助選，他到英國讀大學時已加入工黨，今次首次為英國工黨參選人助選。「我好早嚟到英國就入咗工黨，我覺得工黨支持多元文化，好接受唔同少數族裔融入英國，而好多工黨朋友都好鼓勵香港人參與英國政治。」
他提到第一次與楊緣見面是在一個BN(O)港人活動上認識她，當時她還是以《金融時報》記者出席，「我有啲驚奇，咁少人嘅活動無乜人關心，始終都係Financial Times呢啲大報，同佢傾偈好熟悉香港人事務，好concern，都知道中國發生啲咩事，我比佢impressed到。」其後，他畢業後搬到雷丁居住，知道楊緣在他居住的地區出選，所以決定為其助選。
對於楊緣的中國出生的背景，Richard認為反而是一個優勢，「佢係大報記者，對香港議題好關心，而2022年已經報道緊香港人喺英國嘅困難，以及面對跨境鎮壓嘅憂慮，而對於好多候選人係唔熟悉呢個議題，反而佢對華或對港立場，我一啲都唔擔心。」他相信，楊緣深切地明白中港事務，有語言優勢熟悉中英文，以及對時事具備觸角，能夠明白在英港人的需要。
收受李貞駒捐款工黨議員Barry Gardiner連任
移英港人另一聚居地倫敦Colindale，曾是被英國軍情五處點名為中共代理人李貞駒的「根據地」，而其兒子David Wilkes曾為工黨國會議員Barry Gardiner擔任辦公室助理。在今次英國大選，Barry Gardiner未受醜聞影響，以17,258票在Brent West選區連任，另一黨友David Pinto-Duschinsky則以15票之差、在Hendon選區擊敗保守黨參選人Ameet Jogia。
居民擔心Colindale站準時完工難上加難
居住在Colindale的港人陳先生向《追新聞》記者表示，港人聚居的Colindale South歸入Hendon選區，今屆大選Hendon選區重新劃界，令到Edgware一大片保守黨票倉沒有納入Hendon。他說：「我做咗少少分析，睇返 hendon 新嘅邊界同對應選區過往投票結果，保守黨輸幾千或成萬票都得，但今次輸15票係有啲唔抵，（我哋）如果做多少少嘢就可能有唔同結果。」
他擔心，Hendon選區由市長、地區議員、國會議員都由工黨把持，失去了反對聲音，相信繼續就Colindale地鐵封站事宜爭取加密巴士班次，以及監察TfL確保工程準時完工則會難上加難。「我覺得佢（新當選工黨議員David Pinto-Duschinsky）會亂嚟，連聽都唔會聽，其實不嬲都唔會聽我哋嘅意見，佢未選到嗰陣，同街坊講大話承諾爭取加巴士，被人踢爆之後，而家選埋更加唔會理我哋。」陳先生擔心，工黨上台後，對華立場模糊，只會將香港人歸類為中國人，對在英港人不利，「可能搞到我哋下一代講普通話多過講英文」。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
優惠詳情：https://thechasernews.co.uk/追新聞訂戶注意-新黃店優惠嚟啦/
