中共對港強推「港區國安法」3年，港人再次失去自己熱愛的品牌。由已旅居外地的商人周小龍持有的兒童時裝品牌Chickeeduck「被光榮結業」，位於銅鑼灣怡和街的最後一間門市，周五（30日）最後一日營業，全日顧客絡繹不絕，由下午4時多起，排隊人龍就一直由樓上舖位排到地下，至晚近11時落閘人龍都無減少過。在最後一位顧客入場買到心頭好後，怡和街店在7月1日凌晨圓滿結業，有33年歷史的Chickeeduck正式告別香港。

《追新聞》特約記者Wesley Yip報道

熟客唐女士趁怡和街店最後一日營業，周五下午專程前來撐場，「嚟咗好多次㗎喇，因為最後一日更加要嚟支持佢！咁好嘅品牌，咁好嘅老細、咁好嘅人士、咁愛國嘅人，何以遠走他鄉？個心好痛，所以要嚟支持。」她指自己有追蹤周小龍的社交平台，這天買了很多貨品，包括襪、褲、衫。對於翌日是「7.1慶回歸」，唐女士直言已沒有感覺：「麻木咗」，但是對於少了一個香港人品牌，就感到很難過，「好可惜覺得，其實佢啲嘢真係好好着，一個咁好嘅老闆離開咗香港，好難過。」她又為Chickeeduck打氣：「周老闆加油、職員加油，祝周老闆永遠開心快樂！」

報道無罪　知情有價　請即訂閱《追新聞》：
https://www.patreon.com/thechasernews

下午前來光顧的市民越來越多，由大約下午4時許起，排隊人龍已由位於1樓的舖位延至地面入口。當排到店舖門口時，大家隨即取出手機拍攝門口的Chickeeduck標誌留念。下午氣溫超過30度，排滿顧客的樓梯口、電梯大堂都十分悶熱，熱心顧客Charlie就主動買了幾枝寶礦力請記者及Chickeeduck職員解暑。Charlie說，在網上看到Chickeeduck門市最後一日營業的消息後，專程前來支持，「都好可惜㗎，都係買番啲嘢留念咁，買咗隻衣架啦最後一日」，Charlie 想對職員說聲多謝，「辛苦晒佢哋，呢排都比較忙」。

入夜後排隊人龍並無減少，阿泰帶了小朋友一齊排隊：「我畀啲力量佢，佢又畀返啲力量我，集氣就所有嘢都成功」。他由排隊到在店內選購前後花了一小時，「最正係，個個都排得好開心。」他寄語老闆周小龍及同路人：「保持信念，好快嬴！為咗勝利，繼續戰鬥。」

Chickeeduck義工Kate上午11時已到場幫手，主要負責通知顧客剩下甚麼衣物、呎碼可供選購。Kate說，已經無從統計全日共有多少人前來光顧，「每一段時間都有好多人過嚟，少嘅時候可能有幾十人上嚟，多嘅百幾人」，大部份人都是依依不捨，「佢哋因為覺得老闆結束品牌（香港門市），有啲覺得唔捨得」。Kate表示，想多謝周老闆一直支持香港人，「因為佢對我哋不離不棄，我哋有咩困難都會諗起佢，雖然話短暫結束會好唔捨得，但係我哋會永遠記得呢個品牌」。

Chickeeduck原定營業至晚上10時，但由於人數太多，要延至晚上10時半才截龍，排隊的顧客都耐心等候入場。陳先生是排尾三的顧客，晚上9時放工後便立即趕過來，排隊接近1小時，「我覺得周生好難得可以堅持到依家，有啲做香港人嘅生意都已經轉咗立場喇，（周小龍）真係好有風骨。」三十出頭的他續稱：「佢（Chickeeduck）喺我未出世時已經有，我同佢都差唔多年紀，我出世時佢已經喺度，變咗好似佢同我一齊成長咁。」最終他買了幾件T恤及及襪以及一些文具來珍藏，前後雖然花了2小時，「但我覺得係圓滿嘅告別」。店員在7月1日凌晨左右熄燈落閘，圓滿結束最後一天。

周小龍晚上在facebook表示，在網上直播中「見到舖頭好迫人」，打算下周額外開放部份時段給顧客購物，「等大家唔使排到咁夜，唔使逼得咁辛苦，好唔好？」又留言感謝「真香港人」，「真香港人你哋真係好【撚】勁」。