相信大家都有試過失眠嘅經驗，所謂「日出而作日入而息」，人體嘅生理運行應該與大自然相同步，陰陽氣血都與天地之氣息息相關 ，現代人太多工作應酬，休息不足，忙完一日工作時候返到屋企就容出現報復性捱夜，用夜晚嘅時間去娛樂，舒緩工作壓力同彌補日間沒有顧及嘅興趣，這個狀態就會令到肝運作變得越嚟越差，演變成惡性循環，慢慢睡眠嘅質素下降，而失眠嘅情況就會變得越嚟越常出現。
其實肝於睡眠中扮演一個好重要嘅角色，中醫所說「臥則血歸於肝」，肝又主藏血，正常嘅生理狀態底下，夜晚休息時候，身體嘅大部分血液會進入肝臟，而肝膽於身體裏面，在排毒上扮演著一個好重要嘅角色，於睡眠時幫忙清理身體裏面淤積與毒素，但當我哋持續地捱夜飲酒，今肝功能一再損傷時，這一刻起就會出現一個惡性循環。捱夜、煎炸食物、煙酒等，令到肝臟不能好好進行排毒，而毒素積聚同時令到肝臟，不能正常藏血 ，最後睡眠質素就會逐漸變差，最後導致失眠出現。
失眠最主要成因在於肝，但亦同腎、脾胃有關， 毒素淤積容易令身體變成瘀、濕與熱的狀態，這三種狀態同時都會影響到肝臟，特別係熱嘅狀態 ，第一可以損耗腎陰，第二能夠損耗肝血，肝陰血不足，腎陰又不足，不能滋養肝臟，令到陽氣相對亢盛，熱主動，導致熱擾神明，精神於晚上不停被擾動，令人不能安卧。所以肝得清涼安靜然後卧得安，大家需要優良睡眠質素就得好好保護肝臟！
鍾維軒醫師
香港青木堂中醫
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
