剛過去5月3日的國際新聞自由日，香港在2024全球新聞自由指數，連續3年被評為「困難」，指數亦繼續下跌。曾於《南華早報》、ATV、TVB任職的資深傳媒人禇簡寧（Michael Chugani），近日出席民主黨網上節目、劉慧卿主持的《ChatDP》，討論到香港目前的新聞自由，對於特區政府高官林定國、陳國基在23條立法後聲稱「無礙新聞自由」、「善意批評」無任歡迎，禇簡寧表示：「很難講，邊個夠膽試啫」，又指今次回港感受到香港有變化，「唔係我以前認識嘅香港」。
《追新聞》特約記者 Wesley Yip報道
報道無罪 知情有價 請即訂閱《追新聞》：
https://www.patreon.com/thechasernews
2021年前離開香港回美國，美籍的禇簡寧近月短暫回港旅居，「好多人都好似走咗喇，離開咗香港喇」，中環市面四處都聽到普通話，香港變成不是自己以前認識的香港，「我喺香港出世㗎嘛，變咗（之後）係好定衰我就唔知。」禇又指，現在很多人都不想講（批評），「或者佢驚，或者佢覺得不需要講」。
劉慧卿問到禇會否回港居住，禇直言「有冇搞錯？」除了香港氣氛變了以外，香港的租金亦太貴，坦言自己負擔不起，他目前住在西灣河的服務式公寓，租金是3萬港元一個月。
政務司司長陳國基最近指任何對政府的「善意批評」都是非常愛國，無任歡迎。禇簡寧表示自己已沒有再寫政治評論，「唔係話信唔信佢，係唔關我事，我唔寫嘢喇宜家」。 禇又寄語目前還有發表評論批評時政的人，尚可以鬧政府，「出咗事，上法庭，你話佢咁講㗎喎，咁咪得」。劉慧卿笑指，「個官都以為你黐線」。
指傳媒高層不敢隨便刊評論文章
自從「港區國安法」生效後，禇簡寧指問了很多人，「唔係話政府唔畀你講，係嗰啲報紙老總唔夠膽出！唔係話冇新聞自由，但夠唔夠膽出係另一回事」。被問到有沒有傳媒找他再寫評論，禇指因為離港時已表明不再留在港工作，「第一，好辛苦，所以我先離開香港，我而家好enjoy life（享受生活）」。其次是他說自己亦已失去在傳媒工作的興趣和靈感，寫不出好文章。
被問到美籍公民會否猶豫再到香港，禇就指自己回港，「又唔係做啲乜嘢」，因此並不擔心，但是留意到西方國家，特別是美國人就真的少了很多，「我唔知，好大可能佢哋真係驚咗，就唔嚟，咁全世界有好多地方畀你去玩㗎喇」。
禇簡寧又分享旅居台灣的經驗，指港人要移居台灣，目前已較2019年困難。他舉例指不少港人到台灣投資定居，「開間糖水舖、咖啡店、點心舖，就等畀個永居權，以前2019年，好多都即刻畀佢，蔡英文贏（連任總統）咗，後尾就冇」。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
