2023年有咩大事「荒謬絕倫」？橫跨英美加澳台港14把聲音同你細數

2023年發生過咩大事，令你「心火盛」？令你「哭笑不得」？令你「瞓唔着」？又或者令你「心碎」？甚至令你覺得「荒謬絕倫」，不禁要倒抽一口涼氣？

實在太多太多！咁，有無諗過，只要豎起耳仔，就有唔同人和你論盡2023年發生過咩大事，而且聲音來自英、美、加、澳、台、港，橫跨不同界別，超越不同政治光譜，再難於香港主流媒體中聽得到。

絕對唔係順口開河！《追新聞》特別情商到鍾劍華、曾志豪、周小龍、淋漓淋浪夫婦、程翔、吳志森、傑斯、許智峯、劉慧卿、黃浩銘、林榮基、蒙兆達、鄭家朗「現身獻聲」，排名不分先後，同你回顧他們心目中2023年所發生的大事。

「都係一蟹不如一蟹，今次區議會僅約100萬人投票，充分表現大多數香港人（躺平）嘅團結，令香港以後都唔會有公信力嘅選舉，政府仲可以不斷出嚟講投票率有認受性，真係荒謬！」我們有現身處英國的「逆權商人」周小龍，談論「區議會選舉」。

「有人認為民主、自由是抽象，摸不到、觸不到，但當失去了民主、自由時，損失係好具體，政治愈來愈大陸化，一定反映喺經濟利益上。」時事評論員程翔，則講述何為「香港國際金融中心遺址」。

「佢將自己呢兩年嘅經歷講出嚟，好活生生咁講畀大家知道『港版國安法』實際點樣影響一個人嘅人生自由及帶來衝擊……所以嚟到2023年年底，佢突然『叮』一聲，將香港人嘅噩夢，再提醒大家。」人稱「小豪子」的時事評論員曾志豪，論盡「周庭流亡加國」如何震撼香港人。

「指定法官，指定罪名，指定審判，甚至乎是指定刑期。」流亡台灣的前銅鑼灣書店店長林榮基，細數「黎智英國安案」的種種荒謬。

點少得久未公開露面的民主黨前主席「卿姐」劉慧卿，談及「47人案」以及她在法庭旁聽時所見所聞。

還有更多更多.…..

若想逐一細味這14位講者跟你娓娓道來2023年大事的聲音？只要成為《追新聞》YouTube頻道的付費會員，就能夠收看他們每一位的完整影像。

守住主流媒體消失的聲音，請支持《追新聞》!

《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。