第四十日審訊重點
．「從犯證人」、前《蘋果》主筆楊清奇（筆名李平）形容，黎智英是慷慨老闆，也是殘忍的老闆。
．楊稱：「《蘋果日報》股票上市嘅時候，同埋決定分拆網上版，佢（黎）派股票畀員工，造就早期高層管理人員，成為千萬富翁，甚至係億萬富翁。」
．楊又指：「話佢殘忍呢，可能誇張咗啲，但佢用人係用到盡嘅。如果唔啱佢心意，好快就換人㗎喇。我喺《蘋果日報》23年，期間總編輯換咗7、8個，社長都換咗7、8個。」
．楊稱，自己在《蘋果》「打工」，有指示就要執行，不會過問。
報道無罪 知情有價 請即訂閱《追新聞》：
https://www.patreon.com/thechasernews
壹傳媒創辦人黎智英與《蘋果日報》三間相關公司被控串謀勾結外國勢力及串謀刊印煽動刊物等罪，周四（7 日）在西九龍裁判法院續審。「從犯證人」、前《蘋果》主筆楊清奇（筆名李平）第4日作供。楊清奇形容黎智英作為老闆既慷慨又殘忍，指黎曾派股票予公司員工，令早期管理人員成為千萬甚至億萬富翁，但他亦指黎用人用到盡，黎對於不合意的人，他會儘快撤換：「我喺《蘋果日報》23年，期間總編輯換咗7、8個，社長都換咗7、8個。」楊稱：「我想留喺《蘋果》，所以要跟從佢（黎）指示。」楊指，港區《國安法》實施後，他作為編輯在寫作上「擦邊球」，在撰文及挑選論壇版文章，沒有再公開呼籲制裁，但會透過評論及分析，表達原本支持制裁的立場。
楊清奇第4日作供，控方繼續圍繞論壇版運作以及寫手名單提問。楊確認2018年名單包括戴耀廷、李柱銘、劉細良、李怡等人，並指寫手名單多數由他修改，黎智英及其他高層亦會指定作者。控方追問若黎提出更改名單，楊會否視為指示；楊表示自己在《蘋果》「打工」，有指示就要執行，不會過問。
「唔係每一個作者都同黎生觀點立場相關嘅」
法官李運騰關注，黎2019年至2020年在《蘋果》沒有正式職位，為何仍要跟從其指示？楊形容，「黎生係一個慷慨嘅老闆，又係一個殘忍嘅老闆」。楊稱：「話佢慷慨呢，《蘋果日報》股票上市嘅時候，同埋決定分拆網上版，佢派股票畀員工，造就早期高層管理人員，成為千萬富翁，甚至係億萬富翁。」「話佢殘忍呢，可能誇張咗啲，但佢用人係用到盡嘅。如果唔啱佢心意，好快就換人㗎喇。我喺《蘋果日報》23年，期間總編輯換咗7、8個，社長都換咗7、8個。」
楊形容黎對新聞要求是求變求新，最簡單直接方法就「係換人去做，呢個方法就叫做『搖大樹』⋯⋯所以管理層又好，中層各個部門負責人也好，如果想留喺《蘋果》做，就一定要做好老闆嘅指示，主動做好手頭工作。」「我想留喺《蘋果》，所以要跟從佢（黎）指示。」楊就控方追問高層指定的作者是否都與黎立場一致時稱，高層多數不會說明原因：「唔係每一個作者都同黎生觀點立場相關嘅」。
楊指，《國安法》實施後，沒收到黎或高層指示改變立場。他續指，《國安法》實施後，如公開呼籲制裁，會被視為觸犯《國安法》。他作為編輯因不想觸犯《國安法》，又要保持原本立場，寫作上用上「打擦邊球」方式。他在撰文及挑選論壇版文章，沒有再公開呼籲制裁，但會透過評論及分析，表達原本支持制裁的立場。
他指，當他挑選讀者投稿時約有三個考慮：一文章是否回應當時社會事件及政治新聞，二是文章觀點是否符合《蘋果》讀者口味，三是作者的文字表達。他解釋，2019年反修例運動期間，《蘋果》讀者大多反對修例，讀者亦傾向「鍾意睇一啲支持制裁嘅（文章）」。
案件周五（8日）續審。
案件編號：HCCC51/2022
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
