臨近歲晚，港府不遺餘力打壓港人社區「夜繽紛」，保育人士袁智仁於昨日（8日）在Facebook貼文刊登黃大仙下村「圍欄陣」照片，顯示當局把邨前空地圍封成三角形，約有逾百圍欄阻小販擺檔，袁貼文稱「官方積極搞市集，活動，請嘉賓，用上不少資源，而新年的熟食小販，不用使用官方資源，只需要一個小小的空間，給予社區的歡樂。今年變成圍欄立林，民間的風景不易再見。只可州官市集，不許百姓擺檔」。袁接受《追新聞》訪問表示：「我一向都關心小販，都喺深水埗搞過市集，以往食環喺新年都隻眼開隻眼閉，但依家就無咗呢個『默契』」，「一向由民間去做，資源少但效果大，反觀夜繽紛，政府投放咗咁多資源，官方化咗件事令社會無咗活力，但民間智慧只係用一萬蚊左右就可整架車仔，已經令市民新年嗰幾日好開心。」
袁又提到關愛隊應該作為協調橋樑，「完善咗區議會後，各區又有咁多關愛隊，應該幫手為市民同政府溝通，市民希望新年掃下街，好期待區議員同關愛隊出嚟幫忙協調，我好想睇到佢哋幫市民出聲」。
當局被揭發後拿走部份圍欄，放數盆桔代替，袁智仁於九日晚上十時經過黃大仙下村，除了見到多個圍欄圍着「年桔」外，還有兩食環人員駐守，嚴密看管該處，嚴防小販。
街坊陳小姐拍下前幾年新年小販擺檔的熱鬧場面。
「帶埋小朋友去食」
房屋署昨晚回應稱，「該位置常人流頻繁，而過往農曆新年期間更是小販非法擺賣黑點，經常有無牌熟食小販擺賣甚至即場煮食，對路過行人（尤其長者及小朋友）構成危險，故為保障市民安全、維持環境衞生及避免意外發生，防止小販擺賣是必要措施」。
街坊陳小姐向《追新聞》感歎可惜：「每逢農曆新年前後嗰度都有好多檔小販，成日行完花市就會去掃街，嗰時好熱鬧、好開心，有好多嘢食，有燒賣、糯米飯，豬腸、魚蛋等，最好味係牛肉串。我未嫁時成日去，到生埋小朋友，都帶埋小朋友去，依家變成咁，新年嘅開心都無晒，好核突、好可惜」。她又為小販們生計擔憂，「為何連新年幾日搵食都要阻，明白嗰度係路窄，但日日擺就話阻街危險啫，得新年嗰幾日，又唔使返工返學，人流唔會好多，唔知點解都要趕盡殺絕」。
黃大仙下邨每逢新年都有小販擺檔，售賣各款街頭美食，有牛肉串、腸粉及燒賣等等。 受訪者提供相片
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
