2019年反送中運動的漣漪效應，加速政權整頓新聞行業。《追新聞》在倫敦6.9集會現場，訪問兩名移英記者，一個因政權強行取諦前東家《蘋果日報》氣憤難平，另一人於2019年入大學遇上社運決心走上傳媒路。
報道無罪 知情有價 請即訂閱《追新聞》：
https://www.patreon.com/thechasernews
「我要企出嚟，係因為我喺自由之地，要對得住仲喺監獄裏面嘅人。」前《蘋果》記者E小姐製作聲援初選47人的英文標語紙牌，站在香港駐倫敦經貿辦外與一眾港人表達訴求。她無懼說出自己曾是《蘋果日報》記者一員，在2019年6月9日立法會外跑新聞；2019年6月12日，雖然休假都主動請纓走上前線採訪，「嗰陣好記得啲人流晒血、衝晒出嚟，香港人係冇準備衝，佢哋冇任何裝備，被打到頭破血流，我自己就乜（裝備）都冇，攝記畀咗條毛巾我，跟住就放催淚彈喇。」
這個畫面，每個香港人都深深牢記着。6月12日，警察將市民圍困在金鐘中信大廈，隨時發生人踩人慘劇的生死一刻。「大家匿喺中信停車場，呢啲嘢歷歷在目，Google Photo都會提我，我自己心裏面都會記得；所以，我希望喺香港嘅人都會記得。」
5年過去，E小姐明白香港已變成徹頭徹尾的中共領土，「我知道好多人move on，但我以前嘅朋友、中學同學、上司都仲係身在牢獄入面，就算有啲人move on咗，我自己都唔會忘記！」她深信，即使在歷史洪流下，香港淪為中國一個城市；中共繼續自己撰寫所謂的歷史，但香港人真實的經歷要找方法傳給下一代，在不同地方、媒介繼續保留下來。
「《蘋果》網上新聞都好難搵得番，《蘋果》喺圖書館都下架，但每個人手上只要有《蘋果日報》，有PDF，就有一分責任將歷史記錄落嚟、傳承落去，唔係嘅話，他朝一日只會剩番佢哋（極權）的版本。」E小姐坦言對人生、政治都感到悲觀，身邊相熟的友人紛紛選擇北上消費，而留港公務員、警察雖然並非全部有參與拘捕47人、或政府的鎮壓行動，但其實他們處於參與「平庸之惡」的狀態，「所以我對未來係非常悲觀，但我都要企出嚟，喺自由之地繼續發聲。」
傳媒新丁無悔入行：記者不會消失
剛移英的A小姐在2019年是一名剛入浸會大學的新鮮人，她一心要加入編委出點綿力，「我嗰陣幫過下手，例如整連儂牆、罷課咁，第一年都係以抗爭者身份參與，第二年開始先用記者身份involve入社運入面。」
A小組訴說，2021年《蘋果日報》、立場新聞、眾新聞相繼倒下，她開始覺得大傳媒雖然被政權取締，但記者崗位不會消失，其他獨立媒體仍會在其他地方另起爐灶。「我都想出一分力，唔想因為冇大機構就冇新聞睇……我覺得多一個人去記錄低啲嘢，無論係影相又好、寫嘢又好，或者提供一個諗法，對件事都有幫助。」
她回想在過去兩年跑新聞，最深刻是有份報道露宿者的法庭新聞，當時深水埗通州街的無家者被清家當，弱勢社群未能得到社會廣泛關注。
在香港在傳媒打滾兩年多，A小組決定移居英國，「我其實唔係話（香港）環境唔適合，而23條實施之後都好有機會，但人生想轉個方向，呢幾年都沉浸喺呢件事入面，冇機會發展有興趣嘅其他範疇，都想抽離一下。」她無悔入行做記者，將來有機會都想儲點錢，在英國攻讀傳媒有關的課程，在這裏找到英國媒體的相關職位。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
