香港結業潮橫衝直撞，被稱為「黃到金」的柴灣興華茶餐廳，在舊型公共屋邨、興華邨堅守近50年，近年經歷反送中運動、武漢肺炎疫情、蔥油炸雞肶風光歲月以及不可抗力接連干擾，周三（31日）走進半百老店的最後一天。興華光榮引退萬般不捨，在社媒發帖向「黃人」致意：「我諗真係喺興華茶餐廳先會仲可以見到咁多咁『黃』嘅人聚埋一齊，真係好開心。」餐廳少東向港媒表示，不排除未來或到英國發展，將家業發揚光大。
報道無罪 知情有價 請即訂閱《追新聞》：
https://www.patreon.com/thechasernews
「仲有啲係同我哋理念一致而且仲堅持緊嘅好朋友，而佢哋都有同我講，見到我哋同埋牆上面僅有嘅句子會覺得好開心，覺得仲有人一齊行緊、堅持緊，所以見到我哋嘅結業就好傷心，好唔捨得。無錯，嚟到2024年，好多嘢都已經開始慢慢被淡忘，但係請放心，雖然興華茶餐廳即將結業，但我哋嘅信念永遠都會喺到陪住大家。」
位於柴灣興華二邨15樓和興樓的興華茶餐廳，大廈外牆斑駁，茶餐廳格局十年一日，黃頭巾連登豬、Pepe蛙廚神公仔坐陣，超越時代無情洗禮。興華茶餐廳5月3日宣布7月31日後光榮結業，新知舊雨紛紛走入山旮旯黃店幫襯，在香港碩果僅存「香港人加油」徽章下，少東章偉鎽（阿鎽）忙於招呼客人、吹水、拍照。
不過，受不可抗因素干擾，茶餐廳原訂月中舉行的演唱會被逼取消。食環署人員之後突然巡查，少東等人前往食環署落口供。茶餐廳發帖慨歎：「係中國香港做好人難，好人做生意更難。」
「天下無不散之筵席。約定你哋，未來見。」阿鎽接受《獨立媒體》訪問時表示，屋邨人口老化，人流愈來愈少，母親及師傅早屆退休年齡，人手不足，只能無奈結業。不過，他仍會保留「興華」品牌，在不同平台繼續銷售大閘蟹、蝴蝶酥、杏仁酥等，也不排除未來或到英國發展等，將父親留下來的品牌繼續發揚光大。
據報，1978年創立的興華茶餐廳，阿鎽不忍年邁母親辛苦經營，6年前決定回家接手家業，他先後推出「三重芝士安格斯漢堡」、「蔥油炸雞脾」、紅豆冰等新派美食，一度引起排隊熱潮。他並和朋友聯手推出蝴蝶酥、杏仁酥等港產手信，為父親家業注入新動力。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
