香港立法會議員因應南韓戒嚴局勢改為只停留日本，考察團乘坐商務客位來回，每名議員各有5萬港元預算，8人連食宿等總開銷共計至少20萬港元。去年曾拉隊到日本駐港領事館抗議核廢水的立法會議員陳穎欣在YouTube拍片反駁，「去日本聖誕旅遊」的說法不實，團隊於平安夜回到香港，「考察」日本時忙到沒時間食早餐，馬不停蹄到豐洲市場、中華街等，還怒斥有「小黃人」抹黑考察團，力撐議員外訪是根據內務委員會文件，航程多於4小時可乘坐商務艙。

立法會主席梁君彥Facebook及港府新聞公告分享的相片顯示，考察團參觀日本著名海產批發市場豐洲市場、中華街，以及日清杯麵博物館等多處港人遊日熱門景點，不乏在餐桌前合照。陳穎欣則批評「小黃人」慣性抹黑，強調到日本考察是要了解當地食品安全及衞生情況，以便向特區政府就日本食品採取的進口管制措施作出建議。她在直播中說：「唔去都唔知道實況係點樣？」、「0640 call㗎，早餐都冇得食，就要即刻到豐洲市場睇佢哋嘅運作吖。」

報道無罪　知情有價　請即訂閱《追新聞》：
https://www.patreon.com/thechasernews

深藍粉絲唔撐陳穎欣：咁用納稅人錢好震驚！

陳穎欣在Facebook貼文一向反應冷淡，這則轉貼直播影片竟灌入146個留言，有網民寫道：「陳議員，咪成日話係黃絲攻擊你啦，我係深藍都覺得你哋咁用納稅人錢好震驚！你自己明明早前又話人哋核水，轉個頭用盡budget喺旅遊高峰期去日本。你有咩資格同qualification去inspect人哋國家嘅嘢呀？不如講下你哋花咗20萬到底爭取咗啲咩實質嘅嘢返嚟？中央已經對日本海鮮管制嘅policy已經改咗，唔通香港唔會變？要你哋過去『了解』先得？By the way，香港都有日清杯麵博物館㗎，要去到日本？去日本唐人街打個卡就話『考察』咗？點解唔去中國啲旅遊搞得好嘅城市例如杭州成都北京等？ 仲有呀，你哋嘅考察冇掛過香港特區旗或中國旗㗎！」

正當網民留言質疑：「都唔駛坐商務位吖！尊貴議員！」陳穎欣反駁：「有無睇片吖，唔係個個都係商務，有機制㗎。」該網民追問：「議員機制有嚴重問題，咪改囉，代表基層選民不能尊貴是必需的！咪淨係識批評政府，永遠睇唔到議會入面幾多問題，應該要審計署審一審，議會如何行（衡）工量值！」陳沒有再回應。這則對話令Facebook專頁《追蹤黨媒》感到意外：「 小編因而晴天霹靂發現，原來陳穎欣的支持者以為陳穎欣係反對派同淨係識批評政府？！」

港府禁日貨成加入RCEP一道障礙

立法會代表考察團強調香港正爭取盡早加入《區域全面經濟夥伴關係協定》（RCEP），而日本是RCEP成員國，但香港禁止日本部份水產進口香港食物市場，已成為香港加入RCEP的障礙。香港食物安全中心《食物安全命令》仍然生效，自日本東京、福島、茨城、宮城、千葉、群馬、栃木、新潟、長野和埼玉十個都／縣，並在2023年8月24日或之後收穫、製造、加工或包裝的活生、冷凍、冷藏、乾製或以其他方式保存的水產、海鹽，以及未經加工或經加工的海藻，一律禁止輸入香港和在香港境內供應。

反觀中國大陸，日中關係近日吹暖風下，中國國務院總理李強可能於明年5至6月訪問日本，參加在日本舉行的中日韓首腦會談，屆時將進一步落實恢復進口的政策。《日經新聞》引述中國政府消息人士透露，中國正考慮恢復進口日本海產品，預計最早於明年上半年解除相關禁令。

---

🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join

《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。

優惠詳情：https://thechasernews.co.uk/追新聞訂戶注意-新黃店優惠嚟啦/