「以前嘅我只要係我相信嘅嘢，我冇乜嘢唔夠膽講；但依家嘅我要好坦白承認，每講一句說話，我都要諗過。」55歲網台前主持「傑斯」尹耀昇去年11月刑滿出獄後，今年7月在YouTube重新開咪，時隔逾兩年半再評論時政。身處加拿大溫哥華的傑斯接受《追新聞》專訪，透露出獄後遭國安每天跟蹤，面臨再被捕風險，惟有無奈離開香港。他說每天都在提醒自己，要努力認真面對恐懼，「我唔知自己最後會唔會被打敗，但至少令自己活得有尊嚴。」

「暫時我選擇咗加拿大。會留幾耐、係咪一直留落去，我其實冇特定計劃……順住去啦。」離港在外旅居已經三、四個月的傑斯，這段日子去了台灣及加拿大，現時在溫哥華居住，他說仍在探討會否移民當地，甚至申請政治庇護，「坐完監出嚟有個轉變，我唔想為自己計劃太多……交畀天主為我安排。」傑斯希望尋找一個安全及寧靜的地方，暫時加拿大能讓他可安心生活。不過，無論最終目的地在何處，他可以肯定是，自己不能因為政權加諸於身上的恐懼而就此隱世，「我最想嘅係可以同香港人分享我嘅經歷，或者透過我嘅經歷，去喚醒一啲人。」

傑斯自言算是幸運，至少仍能「出番嚟」，「雖然已經3年，但仲有好多人喺獄中，可能十年八年後先再見到佢哋。」他離港後這段日子，在海外再次見到很多朋友，尤其是因為反送中運動要離開的年青人，「雖然係好艱難，但（大家）仍然好爭氣，用唔同方法喺新嘅地方搵到新嘅生活，繼續讀書，努力做嘢」，令他甚為欣慰。他說離港這幾個月，反而讓他重拾在香港的感覺，「特別喺溫哥華，經常我哋撞口撞面都係嚟咗一年或最多兩年嘅香港人，嗰種感覺好圍爐，大家互相扶持，有咩事gathering，互相幫助，我覺得我喺呢度仲搵得番香港嘅感覺。」

「我哋要嘅係你完全喺枝咪前消失」

雖然毋須為生計煩惱，但7月開始在YouTube重新開咪後，傑斯每天都忙於錄音做節目，YouTube頻道交由一班年青人打理。他說自己是否「搵到食」並不重要，但希望YouTube與Patreon的收入，能夠幫到有需要的年青人，「我只係好卑微做一啲嘢去幫助佢哋，三年後出到嚟，其實差唔多，我都唔知我可以做到啲乜嘢。」

因串謀作出具煽動意圖的行為罪及洗黑錢罪，被判囚32個月的傑斯，去年11月18日出獄時向傳媒表明無意移民，因為「呢度係我屋企」。傑斯向《追新聞》表示，自己是真心希望留在香港，「除非係香港唔要我」，惟出獄後卻發現新香港似乎容不下他。他透露出獄前一個月，國安來獄中找他，問他有何打算，「我同佢哋講冇咩打算」，但國安不滿意這個答案，向傑斯表明：「唔好諗住開番個咪，你唔講政治，講吓足球、講吓風花雪月、講吓書、講吓電影咁樣我哋就收貨，我哋要嘅係你完全喺枝咪前消失。」

傑斯說，出獄後的幾個月，每天只是去法庭旁聽及到監獄探訪囚友，但已被國安盯上，每天都派兩至三人跟蹤監視他，又透過中間人傳話，要求他跟中方人員會面；就算是希望恢復正常生活，也困難重重，「簡單如開一個銀行戶口，我都開唔到。」他坦言，雖然出獄重獲自由，但已成為政權眼中的「慣犯」，有隨時再被捕風險。他自言不是辦法，反覆思量下，惟有選擇暫時離開香港，「我諗得好清楚，我冇辦法完全收聲，唯一折衷點就係選擇離開香港，去開番咪繼續分享，以我有限智慧，我只係諗到呢個解決方法。」

「認咗我唔想認嘅罪，食咗我人生最大嘅死貓」

傑斯於2020年11月首次被捕，是新香港最早一批被國安機器重點對付的政治犯之一。他形容，即使是遠在異鄉重新開咪發聲，也需要極大勇氣，因為所面對的壓力相當巨大，恐懼不是一般人所能想像，「朝早一大班國安上門，你話唔驚就係假。」那種恐懼，就好像面對黑社會，但更加無法無天，「到我出咗事之後，想搵啲point（法律觀點）出嚟打官司，但你發現係打唔到。」他指失去自由21個月的最深體會是法治已死，「根本冇得搞……最後認咗我唔想認嘅罪，食咗我人生最大嘅死貓。」

「港區國安法」實施3年來，香港人每日在白色恐怖下生活。羅冠聰、蒙兆達等8名海外港人被港府懸紅通緝，連帶在港家人也遭牽連。傑斯說，這種情況不會只發生在他們8人身上，名單只會越來越長，形容這種恐懼是共產黨為香港人度身訂造，「最終目的係要我哋遺忘，要我哋跪低」。他面對恐懼的唯一方法，就是不斷提醒自己不要被恐懼打敗，他在獄中每日醒來第一件事，就是提醒自己八個字：「不要習慣，只能適應」，勉勵香港人不要遺忘，「發生過嘅嘢，就係發生過，至少唔好遺忘，今日大家面對咁大壓力，其實能夠唔遺忘，都已經係唔簡單。」

傑斯說，香港人自小所受教育，是相信自由、民主、公義等核心價值，但香港現在變得面目全非，令他覺得很悲哀，形容今天的香港比大陸管得更嚴，「開玩笑咁講，如果今日留得喺香港，不如返大陸住好過。」他說在中共眼中，其他中國城市早已定型，但香港仍在轉變，「舉個例，你喺大陸可以用錢搞掂好多問題，但香港今日未進化到呢個地步，你問我我相信香港有一日都會變成one of the city in China，現在係喺變化過程裏面，呢個過程係會好辛苦，因為佢要夾硬扭，扭到我哋接受一套我哋唔相信嘅價值，呢個係香港今日最折騰嘅地方。」

「我哋可能輸一個Battle，但唔係一個War」

對於香港的前景，在短期來說傑斯是感到悲觀，「我係睇唔到有出路」，然而歷史告訴他，世上沒有永遠的黑暗，他相信香港總有一天會見到光明。他表示現在的打壓對香港人來說，是一條歷煉、喚醒之路，「我哋幸福得太耐，如果睇番亞洲其他國家，民主化嘅過程有好多地方都比我哋更加早」，包括八十年代的菲律賓、南韓，以至九十年代初的台灣，「佢哋都經歷過黑暗嘅時期……台灣嘅白色恐怖年代，我哋可能遲咗人哋大概50年」。

傑斯說，香港的故事並不止是香港人的故事，其實是全世界人也要上一課的故事，尤其是今天中共大外宣不停推廣要全球一體化、多邊主義，「世界好複雜，好多人覺得擺脫唔到佢（中共），大家討論脫鉤唔脫鉤，但就算係唔脫鉤，究竟要點樣玩呢個遊戲？跟佢嗰套規矩，定係跟我哋嘅規矩？我覺得香港人係可以做多啲，起碼讓全世界知道香港真實發生過嘅事，呢啲係我哋應該要做嘅嘢。」

他寄語香港人要保持希望，而海外港人尤其是年青一代的質素，更令他看到希望所在，「雖然真係好困苦、好艱難，但起碼大家仍然冇跪低、冇認輸。」他說香港人目前輸掉了一場戰役（Battle），但整場戰爭（War）還未輸，「唔好淨係諗我哋輸，佢（政權）同時間都係輸緊，不過佢唔認咁解，成個香港呢兩三年已經由以前一隻金蛋變到今日一隻臭蛋，佢都有付出代價，係一個雙輸。」