立法會教育事務委員會周五（6日）召開會議，討論暑假期間大學迎新營爆出的欺凌以至性侵醜聞。多名議員在會上狠批迎新營，其中工聯會會長吳秋北形容迎新營是「老鬼收𡃁」的方式，但疑似錯解「老鬼」為高年級生，選委界陳凱欣更稱未必需要舉辦迎新營，「迎新係咪一定要搞『營』呢？」有參與多年迎新營的大學「老鬼」（舊生）批評議員抹黑迎新營，強調雖然有少數害群之馬，但迎新營仍是新生認識大學的重要途徑。

報道無罪　知情有價　請即訂閱《追新聞》：
https://www.patreon.com/thechasernews

教育局局長蔡若蓮致詞時提到此前迎新營發生的涉嫌違法事件，稱部分個案已進入司法程序，不便評論，但特區政府對任何欺凌行為持「零容忍」態度，要求大學按機制採取紀律行動，嚴重者可開除學籍，「我哋絕對唔會姑息校園歪風」。她又表示，大學學生活動的根本問題，在於「大學生品格嘅培養」。

港大、中大、科大、理大、嶺大等多間大學的學生事務負責人出席會議，交代校方對學生活動和迎新營的規管措施，以及大學對學生活動的立場等，各校都強調有既定機制防止性騷擾。港大學生事務長謝樹基提及早前迎新營發生的個案，稱已就事件面見20人，未有發現任何人吸食大麻或其他毒品。

吳秋北疑錯解「老鬼」為高年級生

多名議員隨後發言，工聯會會長吳秋北猛烈批評大學迎新營，稱「迎新營就係畀佢哋（高年級生）收𡃁嘅一種方式嚟嘅！」當中「出事」的並非新生，而是「老鬼」，但他把「老鬼」解釋為「喺學校裡面上咗幾年的所謂學生」（即高年級生），與坊間一般演繹「老鬼」為畢業生或舊生有別。

吳秋北其後嘗試「探討」迎新營風氣，質疑「有人喺度控制緊我哋各院校啲學生，即係要承傳某種嘅傳統，一路控制佢哋，所以要用呢種咁嘅方式嚟到去收𡃁」，「正氣不彰、邪氣泛濫」，要求針對他提出的「問題」，由校方統一所有迎新活動，「畀個環節畀學生組織去介紹」。

新民黨主席葉劉淑儀形容迎新營是「呢啲咁嘅大學迎新活動」，稱迎新營出現「色情遊戲」、「淫褻嘅打油詩」以至「非禮女生事件」並非首次，「起碼有十幾年」，認為「中學都好大責任」，質疑學校公民教育和通識教育不足，「邊個人要負責呢？」她還宣稱聽聞「有啲學生以為佢入到大學自由呀，自由呢，就可以隨便去侵犯女生」。蔡若蓮隨即反駁葉劉，稱侵犯別人的人士並非新生，反而是新生的自我保護意識不足。

曾擔任中大聯合書院學生會會長的梁美芬憶述，她當年參與籌備迎新營時「好浪漫，莊員喺草地睇下點樣將我哋嘅理想同文化傳授畀新嘅同學」，對如今大學迎新營的性醜聞感難過，聲稱有女生參與迎新營後「由好陽光，返到嚟成個人變咗」，一些家長亦不讓子女入住宿舍。

陳凱欣倡無需搞迎新營

選委界議員陳凱欣形容迎新營的不良行為年復年出現，並指出過去3年大學迎新營因疫情停辦，今年的「組爸組媽」根本沒經驗，認為不一定要透過舉辦迎新營歡迎新生：「我哋去了解一間大學、對學校有歸屬感、對自己讀嘅科目，係咪一定要夜晚裡面、有某啲嘅行為，先至認識嘅呢？係咪一定淨係透過迎新營先搞？」另一名選委界議員郭玲麗則趁機要求引入「中國傳統品德」教育，「加強我哋孔夫子嘅一啲儒家嘅理念」，但沒有提及孔子思想跟近期性騷擾風波的關係。

曾參與中文大學迎新營7年的「老鬼」Mark（化名）批評各名議員對大學文化了解不足，更涉嫌抹黑迎新營，他以陳凱欣的言論為例，稱迎新營是新生了解學校的途徑：「例如我哋會夜晚搞CU Hunt（中大遊），幫同學了解中大嘅環境，同學夜晚都係住喺中大唔同書院嘅宿舍，全部都係認識緊學校，唔係佢講嘅乜嘢『某啲行為』咁難聽囉。」他認為迎新營的確有害群之馬，「可能想食組女、組仔咁」，但以其認識，中大大部分同學都能堅守底線，「起碼唔會喺Ocamp期間搞」，迎新營籌委一般也非常小心，避免遊戲涉及色情成份，「唔驚『臭朵』咩」。