「香港三月文化節Hong Kong March」正式啟動，整個三月，英國逾二十城市馬拉松式舉辦活動，香港立法會前議員羅冠聰、前眾志副主席鄭家朗及黃大仙前區議員劉珈汶都是活動的籌委，他們舉辦Hong Kong March是為了令港人走出圍爐，讓英國人真正認識香港這個族群，「從認識香港文化開始，再認識香港人，從而了解我們背後的堅持」。他們仨原來都有一個香港夢，就是終有一天能回到自己的家，羅冠聰相信「一定會再見到之鋒」。
報道無罪 知情有價 請即訂閱《追新聞》：
https://www.patreon.com/thechasernews
劉珈汶與鄭家朗在上周末於開幕禮當主持，她來了英國約一年半，這次舉辦Hong Kong March是希望以自己擅長的地區工作，去貢獻香港人，「希望令港人走出圍爐，將香港文化帶到英國，真正做到integration（融入）。不只係畀英國文化同化，而係讓英國人真正認識到香港人這個族群，香港人係講廣東話、寫繁體字、食燒賣、魚蛋及飲奶茶」。
曾絕望地想到返港「認罪」
劉珈汶坦言很掛念香港，在英國朝着一個目標前行，「希望終有一日能返到香港」，「有時會諗喺英國只係以『過客』身份生活，雖然無一個時間表或用咩形式返去，但有時會絕望地諗到『認罪』就可以返香港，我都好掛住屋企人同埋貓貓」。
「我覺得有一樣嘢我哋香港人好勁，就係有效率同埋夠搏，要多謝好多地區組織，因為有佢哋先可以舉辦咁多活動，大家希望做到英國人能認識我哋嘅文化，再認識香港人，從而了解我哋背後嘅堅持。」
掛念無用 行動才能幫到香港
年僅23歲的鄭家朗，對於未能好好感受香港，感到很可惜，「以前香港喺我生活入面，依家嘅香港就喺睡夢之中，我經常發夢，夢見香港，嗰度有我鍾意嘅人，鍾意嘅地方及回憶。我成日感到可惜，無好好經歷過香港，大學未讀完就要離開。但我覺得自己係幸運嘅一群，因為仍然有好多手足，包括我哋嘅朋友之鋒仍然喺監獄中。」
鄭家朗經常都會想起跟黃之鋒相處的時刻，但他壓抑着這份思念，「因為咁樣幫唔到我哋行落去，惟有行動先幫到香港。」會否希望與之鋒重聚？「我諗唔係希望，係會有一日見到佢」。
鄭家朗盼望至少香港的社群可以返回屬於自己的土地上生活，「有時會覺得四十幾、五十歲先可以返到香港，但有時就覺得勝利好近，但很多事情難以預料，好似台灣白色恐佈時期、德國柏林圍牆，無人能預測就在那個時間完結，歷史一定會有既定軌跡，獨裁總會有一天終結，民主始終一定會勝利。未來嘅人睇到我哋係歷史，但我哋活喺時代之中，無人知道進程會係點？大家只能跟隨路線及方向走，堅持行落去。」
盼港人能影響英國對華政策
羅冠聰希望Hong Kong March能成為在英香港人的盛事，每一年都舉行，令英國人知道每年三月，香港人都會帶連串文化活動給大家，建立一個傳統，好讓英國人了解香港的文化，才能令港人感受到被理解及歡迎。
香港持BNO簽證來英國的人超過14萬，在英國的香港人社群亦慢慢發展起來，羅冠聰說：「大家都分散喺英國唔同地方，好多唔同嘅調查顯示，香港人係外向社群，好想同本地英國人溝通，希望長遠而言，香港人喺英國無論文化、社區，甚至政治都有一定影響力。除咗參加社會討論，亦可以喺英國對華政策方面，表達我哋嘅聲音。長遠來說，有一定嘅戰略價值。」
羅冠聰亦談及對香港的思念，「我哋為咗唔同原因而離開，離開亦帶住一種責任，就算好掛住香港，大家要做嘅事係搵方法返去。」
「我深信一定會再見到之鋒」
對於摯友之鋒經常以歌詞鼓勵香港人，羅冠聰說：「經常追看佢嘅Po，大部份訊息都係想鼓勵大家，即使自己身陷囹圄，喺冤獄當中都嘗試積極面對。」
羅冠聰感慨惦記在囚的朋友，尤其是大部份政治犯都是認識了很久的戰友，「呢種掛念或者心痛係一種情緒，但我哋可以選擇點樣回應呢種情緒，而我希望用正面、積極嘅態度回應，幫佢哋發聲又好，幫香港人發聲又好，呢兩年幾我都做好呢個崗位，我希望未來會繼續做。」
「我深信一定會再見到之鋒，無任何質疑會見唔到佢，只視乎要幾耐先可以重聚，希望越快越好。」
