香港警方國安處近日先後拘捕飲食及購物積分獎賞平台「懲罰mee」5名成員，指控他們涉嫌違反港區國安法，各被捕人士周五（7日）獲准保釋候查。「懲罰mee」應用程式周五起亦無法使用。親中陣營則落井下石，政務司司長陳國基周五（7日）聲稱，「懲罰mee」平台停運屬「佢哋自己嘅決定」，行政會議成員湯家驊則「建議」市民移除相關程式，稱若保留程式「可能會引起執法人員懷疑」。

「懲罰mee」的應用程式周五起在蘋果及Google應用程式商店下架，無法再下載，至於已在手機上安裝程式的用戶，開啟程式後會先顯示「檢查版本中……」畫面，其後彈出「加載失敗，伺服器繁忙，重新加載！」對話框，用戶按下「確定」後程式便會自動結束，情況一如兩年前停運的「蘋果動新聞」程式。此外，「懲罰mee」於各社交平台的專頁亦全數結束，無法再閱覽。

報道無罪　知情有價　請即訂閱《追新聞》：
https://www.patreon.com/thechasernews

市民不願移除：大家會選擇收藏

市民金小姐於「懲罰mee」推出後不久已下載該程式，「主要用嚟搵下附近有冇黃店」，初期並非經常使用，但後來搜尋黃店的地圖網站陸續關閉，於是逐漸多用「懲罰mee」。她表示「懲罰mee」介面不錯，「其他地圖app淨係介紹間餐廳叫咩名，之後就彈去食評網站，但佢有餐牌同店內環境介紹，仲有YouTube channel（頻道）拍片」。

金小姐認為「懲罰mee」停運是香港的縮影，「首先係好多黃店執笠啦、或者唔敢再表態啦，以至而家呢個局面就係越來越多廢咗嘅app啦，《蘋果》呀、仲有其他黃app都變咗殭屍咁，你知佢哋唔會再出現，但係又唔捨得del app（刪除）囉。」金小姐形容這仍是一種表態：「好多黃嘅嘢用唔返，大家都會選擇收藏，好似最尾嗰幾日嘅《蘋果日報》咁……會唔會有一刻大家連部機有呢啲嘢，都唔再夠膽呢？」

湯家驊促刪程式：可能引起懷疑

陳國基周五（7日）在機場出席活動時回應「懲罰mee」下架，稱「佢哋結業嘅決定，佢哋自己嘅決定啦，係嗎，總之我哋香港政府嚟講，一定要係國家安全要……要好緊要嘅，任何團體、個人都唔可以違反法律，包括國安法，吓，咁佢哋點樣決定呢佢哋自己決定嘞。」

湯家驊接受傳媒訪問時表示，「如果佢冇任何嘅援助，喺法律上呢，未必會構成一個『從犯』嘅定義，或者『協助他人犯罪』嘅定義，但當然啦，如果你留咗啲app喺度，經常都仲係有一啲來往呀，或者訊息嘅交換嘅話呢，咁可能係會引起執法人員嘅懷疑，你喺背後係咪有進行緊一啲，er，協助呢啲犯人犯法嘅行為呢？呢個我認為係唔值得去以身試法。」湯家驊續稱，香港現時沒有涉及「軟對抗」的罪行，若市民支持相近政治立場的商戶並不違法，「但要留意商戶嘅資金流向」，建議市民移除相關程式。