第73屆柏林影展周四（16日）揭幕，香港知名導演杜琪峯以評審身份亮相，並出席記者會。杜琪峯回答其中一條問題時提及電影與極權和自由，稱當極權使人民失去自由時，電影往往首當其衝，「獨裁者通常對付嘅一定係電影」，更提到「覺得香港……No，Sorry，我諗全球嘅，爭取自由嘅國家同人民呢，佢哋都要支持電影」。

杜琪峯周四與多名評審一同出席記者會，以粵語回應多條問題，第一條是關於他具深刻印象的好電影，杜琪峯稱「而家嘅電影呢，我覺得係差咗嘅，全球嘅電影都差咗」，形容他個人「睇電影嘅世界好似漸漸消失」，跟以往不再一樣，「我希望呢樣嘢只係暫時嘅」。

報道無罪　知情有價　請即訂閱《追新聞》：
https://www.patreon.com/thechasernews

「一定係停咗你嘅文化」

另一名記者隨後提到過去3年的疫情，透露疫情期間上司曾告訴他「戲院已死」（Cinema is dead，亦可解電影），但最終柏林影展重新舉行，亦繼續有電影上映，他希望杜琪峯分享「為甚麼電影對我們這麼重要？坐在漆黑的房間、跟其他觀眾看着大銀幕，在你而言是甚麼令戲院變得這麼特別？為甚麼電影永遠不會死？」

杜琪峯聞言鼓掌感謝記者的提問，並應其他評判邀請首先回答，他表示「我覺得電影呢，係永遠喺前鋒、喺前面。當如果有極權嘅時候、人民失去自由嘅時候，電影通常係首當其衝，喺好多地方都係，一定係停咗你嘅文化，電影嘅文化係直接入Audience（觀眾）入面，所以獨裁者通常對付嘅一定係電影。」杜琪峯續道：「我覺得香港……Er，No，Sorry」，此後不禁失笑一下，再稱「我諗全球嘅，爭取自由嘅國家同人民呢，佢哋都要支持電影，因為佢係同你發聲嘅。」杜琪峯的翻譯以英文讀出杜琪峯的回答後，現場傳出掌聲。

「電影最重要係熱情同視野」

其他評審隨後補充他們的看法，其中美國選角指導Francine Maisler表示，她認為導演都對戲院和電影有信念，美國業界亦積極讓觀眾重返戲院；曾參演《吸血新世紀》系列的影星姬絲頓史釗域（Kristen Stewart）接續發言，承認製作電影不容易，且成本不菲，「但我相信我們都很強烈、很堅定地要創造一些東西」，人們亦可不斷重新享用電影，「我認為有些事是重要、無法否認，也永遠不會流逝的」。

杜琪峯繼而再補充，表示「我覺得電影唔係用錢去衡量……我自己拍過幾部電影、唔多過兩百萬港紙嘅電影，而我覺得我係拍得好開心同好舒服。我諗最重要電影都係講緊個Passion（熱情）同個Vision（視野），如果冇咗呢個Passion同個Vision，根本所有藝術家都做唔到自己應該做嘅事，哪管畀100億你，你係冇，你就係冇，你有，你就係有」。

杜琪峯近年亦曾就香港的巨變發表看法，他2021年於港台節目《鏗鏘說》上，承認創作上有無形界線，且認為「會一鋪比一鋪更大挑戰」，他未來若再拍警匪片，亦可能要以「另一種方法」拍攝，但他稱「喺呢個時代中，更加考驗我哋嘅韌力」，勉勵港人「仲有一息尚存的話，我覺得我哋應該充滿希望，我哋應該積極啲面對未來」。