香港特區政府周三（28日）宣佈放寬防疫措施，廢除實施10個月的「疫苗通行證」。《追新聞》訪問一些沒打針的「0針」港人，有人表示過去10個月只能以外賣渡日，取消疫苗證後只想「即刻約朋友聚會、睇戲、睇演唱會」；亦有憂慮疫苗風險的港人回憶大半年來的苦況，坦言政府措施「有啲戇X」，且在接種者與未接種者之間造成分化，更透露曾因質疑疫苗而在網上遭言語欺凌，「咒我快啲中、快啲死」。

本文為節錄版本，全文請到Patreon閱覽：
https://www.patreon.com/posts/76472150

港人Kelvin（化名）過去一年多一直因憂慮疫苗副作用，亦不甘政府對於「逼針」的種種措施，故沒有接種武肺疫苗。他坦言自從疫苗通行證實施以來，長期無法正常跟朋友見面，「只可以上人哋屋企，先有得聚（會）。」如今政府突然「轉軚」，廢除所有「逼針」措施，Kelvin認為此舉令所有疫苗爭拗結束「總算好事」，對於日後或有大批中國大陸居民湧到香港打針，Kelvin只稱「佢哋咁想打就由得佢哋吧」。

稱防疫政策「戇X」分化：好似分開打針同唔打針嘅人

另一名港人「阿琪」（化名）同樣沒有打針，她表示身邊約半數女性朋友接種後「好似都有啲side effect（副作用）咁樣，例如嚟M（月經）嚟咗成個月呀，或者個量比平時更加澎湃」，她考慮到自己本身經期已不太穩定，因此不敢接種疫苗。

「阿琪」表示過去大半年不少朋友因濕疹等健康問題，不敢接種疫苗，卻因醫生不願簽發豁免接種疫苗的證明書而在日常生活遇上困難，「嗰陣如果唔係中過有180日豁免都幾麻煩，周圍搵又搵唔到醫生」。「阿琪」亦面對部分朋友的冷言冷語，「可能佢哋會問點解唔打呀，知唔知會有重症」，稱「可能都有少少說話會聽囉」，甚至有人在社交平台批評她不打疫苗的決定，「XX我……真係會咒我併發症、希望我快啲中，然後快啲死之類」。

她回顧港府疫苗政策時不禁「爆粗」直言「有啲戇X」，尤其是Omicron變種病毒爆發後，她目睹身旁大部分友人都先後感染，但症狀只類似重感冒，而他們亦因感染病毒取得天然抗體，「咁點解要冒咁大風險去揀一支……一係復必泰、一係科興呢？」她表示歡迎政府放寬疫苗通行證措施，亦尊重選擇打針的人士，「但最重要係畀返人選擇唔打針嘅權利」，批評措施在接種者與非接種者之間造成分化和歧視，「好似分開咗唔打針同打針嘅人咁……好似啲人覺得你唔打針就係自私」。

移英港人憂港府政策再變：去吓歐洲先

不少港人過去兩年亦因種種緣故移居英國，當中部分並未接種疫苗。目前身在英國的「0針」港人阿軒（化名）表示，儘管當局放寬疫苗限制，但仍會先觀望一段時間才回港，以免防疫措施突然收緊。移英一年的阿軒表示他一直對疫苗技術存疑，故不敢草率接種，且港府防疫措施「一時一樣」，現時亦未能確認日後會否再收緊政策，故短期內仍不打算回港，「去吓歐洲先」。

相反部分人則在打針後反映身體出現問題，身在英國的港人陳小姐向《追新聞》表示，目前香港每日仍新增兩萬多宗陽性個案，港府卻一夜間取消所有防疫措施，她對此感到憤怒，「真係好嬲，即係證明呢兩三年嘅防疫政策係冇需要存在」。

陳小姐又表示：「港府因為要配合大陸通關就取消晒啲政策，即係防疫措施唔係為咗香港人健康，真係好嬲，呢兩、三年嘅政策係無需要存在，港府已經無能力自主做決策，要大陸話通關，佢先敢做嘢。不過時機唔啱，香港人希望早啲通關，依家大陸同香港爆到咁先通關，完全唔係為港人着想。」