烏克蘭戰火踏入第三年，戰線綿延1,000公里，烏俄雙方都不可能投降。香港導演張虹與拍檔林偉鴻移英時剛好碰上戰爭，冒險深入波蘭、烏克蘭利維夫（Lviv）戰地，拍攝一連兩集的烏克蘭紀錄片。第一部曲選擇在倫敦北部一間大學校園試映，現場討論氣氛熱熾，無疑為導演帶來鼓舞。然而，在倫敦的烏克蘭人卻婉拒了影片在社區放映，得到的回饋是：「看過別人拍攝烏克蘭影片後感到不舒服、不開心。」令張虹不禁反思，這兩齣紀錄片如何好好地放映，面向的觀眾群又可以在哪裏找呢？
報道無罪 知情有價 請即訂閱《追新聞》：
https://www.patreon.com/thechasernews
「Red Kalyna」代表烏克蘭人堅毅
第一部曲是的片名暫以代表烏克蘭的花「Red Kalyna」命名，張虹坦言仍未找到一個合適的片名，原因是Red Kalyna代表烏克蘭人的堅毅，但作為片名，一來沒有人懂得讀，二來作為片名也不太合適，只是試映時當被問起片名時好向人交代。她說：「想搵一個好簡單嘅名，好似以前啲片咁，但未搵到，如果真係好簡單，就係叫『難民』。」
在片名上費煞思量，揀選放映地點也不容易。移英後第一套紀錄片選擇在校園試映，來自香港，以至英國本地人都前來支持，給予真誠的回饋，令張虹十分鼓舞。然而，在英國的烏克蘭社區不願意放映，「佢哋唔想放，我無詳細問佢部戲邊個位令到佢哋唔舒服、唔開心。」張虹以換位思考想到，過去幾年，自己都會考慮香港的紀錄片想不想看，「佢哋唔想睇，我可以明白。」
▲ 張虹移英後延續拍攝紀錄片，深入烏克蘭記錄難民日常。
戰爭反映世界充斥不公平、不公義
第二部曲仍在處理後期製作，張虹與林偉鴻親身踏入戰地利維夫，在墳場、教堂、小型電視台，都能感受到死亡十分貼近。她說：「我哋去教堂影埋婚禮，有一對新人嘅男士係軍人，爸爸亦都係軍人，我喺度諗，佢哋結婚都好勇敢，新娘會唔會諗：老公遲啲返唔到嚟呢？或者係返咗嚟點樣呢？」二人遊走當地戰地醫院，滿眼都是斷手斷腳的傷者，「佢哋（傷患）都有傾有講，唔知係咪醫療人員想營造氣氛，等大家唔好咁慘。」
張虹訴說，選擇記錄俄烏戰原意想知道「戰爭是甚麼？」完成拍攝後，自覺只懂得皮毛，反而看到世界的不公平、不公義，不禁要問：「點解死咁多人？佢哋點過生活？」在烏克蘭長時間打仗的環境下，隔日就聽到拉響警報，「我哋去咗第3、4日，已經有炸彈炸落嚟……初初有啲緊張，使唔使匿埋去地洞，但見無人郁，自己都唔郁。過多幾日覺得好煩。我好討厭普京，因為搞到我好煩，喺嗰度生活好唔容易。」
-
- ▲ 女兒與父親離別依依。（紀錄片截圖）
-
- ▲ 烏克蘭人在波蘭舉行集會，聲討普京惡行。（紀錄片截圖）
-
- ▲ 加拿大在波蘭火車站設櫃位，協助烏克蘭難民移居當地。（紀錄片截圖）
固有文化非能一脈相承
她不諱言，他們這一代在香港繁榮穩定時期成長十分幸運，是經濟成果的受益者。反觀烏克蘭，他們早已在10年前為打仗作好準備，他們哪有時間好好過日子。俄烏戰開打後，烏克蘭族群各散東西。當一個地方要承傳文化，張虹認為語言就是載體，「離開自己地方，個人甩咗、冇咗，我哋文化保留唔番，我自己比較悲觀，因為後生係唔識中文、識好少中文，無咗語言嘅載體，好難保留到文化，可能我哋係最後嗰批。」
香港已經發生了轉變，有根有據不是憑空想像。張虹感嘆，美籍華人執導的《摘金奇緣》就很不真實，完全就是洋人眼中的中華文化。「打鑼食飯係荷李活片1930年代中國人嘅做法，呢樣係洋人眼中嘅華裔生活，係好奇怪嘅情況。」她以羅馬帝國作比喻，羅馬千多年文化也有終結的一天，這次輪到中華文化，「元朝斷過、清朝斷過，我哋咁多年嘅文化唔係一脈相承；唔知中國文化會點，其實冇㗎啦，我希望係錯，悲觀嘅人係錯，但我都唔敢隨便樂觀。」
記者 李度報道
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
