巴黎奧運成為世界焦點，當局預計吸引逾1,500萬名遊客到訪花都。但另一邊廂巴黎人卻擔心人滿為患、物價高漲，紛紛出走巴黎，前往歐洲其他國家度假。移英港人Anita接受《追新聞》訪問，她與友人從不同國家齊集法國，開展「奧運之旅」：「交通費係貴咗好多，但城內唔算太擠迫」，她亦被地標場館所吸引：「當局實在太聰明」，名勝與奧運合而為一。城內遊客興奮，但居巴黎多年的港人羅先生道出法國人心態：「巴黎人8月都會去度假，留低喺巴黎嘅人都係遊客，巴黎人寥寥無幾。」他亦笑言，「有朋友想趁巴黎奧運發財，將自己的地方租出去賺奧運錢，但降價至100歐元（約842港元）也乏人問津」。
報道無罪 知情有價 請即訂閱《追新聞》：
https://www.patreon.com/thechasernews
Anita從英國出發，參與友人一年前計劃好的「奧運之旅」，在官網買到網球賽Hospitality門票約180歐元（約1,500港元），「不算太貴，仲可以喺法網主場觀戰，咁啱睇到拿度對祖高域嗰場，真係好開心」，「另一張門票更平，只係30歐元（約255港元）。
難得見證全球盛事，Anita 卻遇上奧運開幕日（26日）火車線路遭縱火破壞，她坐在「歐洲之星」列車呆等，「喺火車上大部份食物都俾人買光，剩低薯片、小吃，照買來充飢」，延誤約 5小時，最終至晚上9時30分到達巴黎。
問Anita有否感到百物騰貴？「地鐵車費真係加咗好多，由兩歐變四歐，好多地鐵站亦因奧運而關閉，所以交通唔係太方便」，但花都的名店及美食卻沒有藉奧運漲價，「 7月是法國的減價月，貨品無加價，反而名店推七、八折，甚至半價促銷」，「奧運紀念品周圍都有，不過價錢有啲貴，鎖匙扣約15歐元，扣針約8至9歐元，T恤約25至30歐元」，食物尚算便宜，一杯咖啡約3至4歐元，牛角包不超過兩歐元。
Anita當然會光顧米芝蓮餐廳饗美食，「唔算特別多人，就算walk in其他餐廳都唔使大排長龍，場館附近嘅地方有好多人，但其他地方就唔算擠迫。」
巴黎比想像中好，Anita覺得當地人相當友善，主辧單位亦安排得宜，最欣賞的是奧運場館的設計，「好多場館都係由舊有建築翻新或改建，唔使起新場館之餘，亦保持巴黎嘅傳統建築風格，新舊合而為一，呢個做法好聰明。法國大皇宮化身劍擊場館，真係好靚，朋友買咗沙灘排球飛，喺巴黎鐵塔旁邊睇比賽，好難忘。」
居法港人避巴黎：小店趁暑假關門
遊客看得賞心悅目，居巴黎多年的港人卻要避開巴黎，周末出外旅遊，「傳統上8月，巴黎人都會去度假，留低喺巴黎嘅人都係遊客，巴黎人寥寥無幾。」羅先生稱，巴黎小店都會趁暑假關門，東主出外度假，以麵包店為例，店主都會互相協調盡量維持至少一間店舖開門，盡量減少對居民的不便。
羅先生笑言，有朋友想趁巴黎奧運發財，將自己的地方租出去賺奧運錢，在網站放租時由原本一晚索價400歐元（約3,370港元），但沒人承租，最後由300歐元（約2,527港元）不斷降價200歐元（約1,685港元）、100歐元（約842港元），最終也乏人問津。他說：「睇傳媒報道，啲人都驚咗混亂同恐襲，後嚟取消咗冇嚟，好多酒店房同Airbnb都待價而沽，奧運場地飛都剩番好多，睇電視都見到啲座位坐唔滿。」
被問到奧運期間地鐵票需付雙倍，羅先生說：「巴黎人一早有月票或周票，之前亦可預先購入平常價嘅『散飛』喺奧運期間繼續使用，而生活必需品價格冇乜變，只要不出入市中心一帶，其實影響不大。」
至於開幕日發生火車線路遭破壞事件，羅先生坦言基本上都是對旅客的出行造成延誤，而巴黎本地人則未有太大影響。在開幕第二日，他都有到附近車站視察，發現一切如常運作，而在市中心一帶也特別加強封路措施，「有啲站封咗唔可以轉車，私家車唔可以出入，但只係近場館幾個站，一早都貼晒通告，影響唔算好大。」
無論如何，舉辦及參與奧運對一個國家和人民而言是莫大的榮幸，選擇快樂欣賞還是離開避靜，大家都會以尊重的心，對巴黎奧運及每一位選手報以掌聲。
——————————————
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
