《追新聞》獲得可靠消息，移英港人取得MPF後，在暑假返港時被捕，而這消息在香港人群組不逕而走。「我之前都聽過，有人用呢個方法攞番份強積金後，返香港被拉。咁多人咁樣攞，一定穿啦。我個街坊個同事個friend咪係咁囉！今年暑假返去，點知有商罪科探員上佢香港屋企拉佢。佢而家都返唔到嚟……我都唔明點解佢咁都要返去。」50多歲的K先生說道。
報道無罪 知情有價 請即訂閱《追新聞》：
https://www.patreon.com/thechasernews
2022年初與家人以BN(O)簽證移民英國的港人K先生，亦是成功取回強積金的「幸運兒」，但他不是以「移居大灣區」的理由申領。他不願透露細節，僅表示：「呢啲錢根本係我哋，而家你扣起我的錢，只不過係積金局出份memo話香港政府唔承認BN(O)係旅遊證件，唔當我哋係移民英國，就剝奪我哋攞番強積金權利，係咪亂搬龍門先？咁我而家真係移民英國嘛。」
「其實好早之前，已經知道有人（謊稱移居大灣區取回強積金）咁做啦！」K先生在港時從事機械維修技術員，因之前多次轉職，一度擁有多個強積金戶口，原本想透過永明金融，了解如何整合戶口，再取回整筆強積金。不過，K先生擔心「有伏」，最後沒有委託永明金融取回其強積金。
雖然K先生已取回MPF，「但我嗰陣係好驚，我哋呢一代人，喺香港奉公守法……但係搞清楚一樣嘢，嚿錢係我嘅，我都只係攞番我自己嘅血汗錢，冇令其他人受損失喎。」不過，K先生表示，早已預算過這幾年回港或有風險，所以一直免得過回港就免，「始終係掛住香港，但至少畀我攞到部英國BC護照，到時先再諗。」
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
