引言
2019年爆發反送中運動，被捕的人數逾一萬人。5年後的今日，候審﹑在審案件仍然持續，香港大環境也出現急速轉變；同一時空有人身陷囹圄，也有人在移民潮中離開紮根多年的故土。
寫信呢件事係好明確同手足講，你哋冇被遺忘。
相距香港一萬多公里外的加拿大，多倫多寫信組其中一名「搞手」阿聰，每周為在囚筆友寫家書，一封封離鄉家書和獄中信，跨越緯度穿過鐵窗，「對佢嚟講，我希望support到佢；而對我嚟講，好似多咗個人傾偈。」
寫信「任務」裏的NPC
阿聰近乎每周都會在圖書館一角寫信，桌面當眼處放上「多倫多寫信組」的標記，附上信紙和筆，「寫信組」基本場地設置便告完成。參與寫信活動的人數雖多、但回頭不多，大部份人都是無從下筆的的新手寫信師。阿聰解答疑問後，這些新手便可自行開始寫信工作。他笑言：「入到嚟你哋話想support在囚手足，我就好似遊戲入面嘅NPC（Non-player character；非玩家角色），歡迎你揀咗寫信任務，同你講第一步可以做啲咩。」
回首5年，關於入獄數字和法庭裁決的報道從未遏止，「睇到啲統計數字見到好多人入獄，或者見到啲官點樣審，會覺得好沮喪﹑不如真實接觸承受緊社運代價的人。」阿聰在配對在囚筆友後，這些新聞遙遠的數字頓變立體，石牆內時間停擺，會流動的只有新聞﹑電台，還有一封封牆外寄去的「家書」。
阿聰指除了新聞來源，在囚人士難以得悉社會時事，特別公共討論早已遷移到網上進行，「佢哋好需要一嗰真實嘅人同佢哋講番，牆外世界遇到嘅所見所聞，如果佢哋仲喺牆外會聽到啲咩，畀番呢個世界發生緊咩事嘅背景佢哋知。」
報道無罪 知情有價 請即訂閱《追新聞》：
https://www.patreon.com/thechasernews
離鄉者的家書﹑在囚者的石牆記
阿聰忙碌的時候要隔一周才能回信，但筆友即使生病仍會寫滿一頁信紙﹑堅持每周回信。他坦言，與筆友兩人都並不擅長言辭，但任何形式的交流，本質上都是滿足心理層面的行為。
「你會感受到佢哋有幾熱情，例如信入面有啲公仔，佢哋又會跟住畫一隻，會感受到佢係需要呢一種交流。」剛開始落筆時，阿聰嘗試寫滿正向內容，但事實是自己亦非滿腔正能量的人，一來一回書信漸漸成為互相傾訴日常瑣碎的渠道，阿聰寫下移居經歷，筆友記下在囚瑣事：北美的寒冷天氣﹑糟糕的公共交通﹑囚倉內的怪異事件都成為信件內容。
重回原始的書信交流，反令阿聰得到更多體會，「我本身冇乜寫日記，但有個對象去寫，就會諗番發生過嘅事，再去概括自己嘅感受。平時手機覆短訊會簡單覆句『LOL』或者『哈哈哈』，但係寫信會令好多好小嘅事，引伸去哲學或者反思社會現狀的討論。」
有時，他會花一大篇幅向筆友說明一件事，但筆友出乎意料幾句就能概括他的想法：「佢畀我感覺好hea，想就咁攤喺屋企，但突然之間佢講嘢會好有道理」。不變的是，每封信，他都能感受筆友對回家的渴望，「基本上每封信都會話希望快啲坐完，快啲返到屋企，其實返到屋企乜都唔想做，如果放咗學都只喺想返屋企睇下張床。」
以筆觸連繫香港
隨着香港的言論空間收窄，能夠舉辦的在地活動越來越少，外地的空間剛好能夠調和這種不。阿聰覺得親身參與的在地活動往往最見成效，因此每周都舉行寫信活動。
同樣經歷過移民低潮的他指，寫信除了支援在囚人士，亦是他連繫香港﹑甚至調劑生活的一部份。「出嚟寫信如果有幸可以識到其他同路人，大家一齊講幾句，對我嚟講，其實喺一種幾好嘅調劑。」
一筆一紙在離散之中，重新牽起失散牆內和漂泊外地的港人。「想話畀呢到嘅同路人知，我哋仍然喺度；想話畀仲喺香港嘅人聽，依然仲有班人企喺你哋嗰邊。」
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
