香港警方國安處周二（17日）搜查旺角銀城廣場的年宵市集「隱世市集」，並以涉嫌發佈煽動刊物拘捕6人。「隱世市集」檔主黃小姐（化名）接受《追新聞》訪問時，憶述警員搜查市集時顯然已有目標，「一支箭、有目的咁行咗去某一檔，都知係搵手足拉㗎喇……之後越來越多警察嚟到，有便衣又盛，唔知以為佢嚟拉殺人犯」。她透露當時被警員拒絕上洗手間，「佢（警員）同我哋講，出咗去就冇得返嚟」，強調在場檔主已非常合作，「但係佢（警方）完全冇合作過」。

報道無罪 知情有價 請即訂閱《追新聞》：
https://www.patreon.com/thechasernews

黃小姐表示所有檔主都被要求填寫「案件調查表格」，交代個人資料，警員還詢問他們商業經營的細節：「啲嘢賣幾錢、幾錢租呀、我哋點租場之類」，但從沒交代行動內容，她在警員撤走時追問警方，更被警員斥責「你想我交代咩呀？要同你交代乜嘢呀？」她批評警方「做勁大場龍鳳畀全香港人睇」，相信整晚損失達數千元。

黃小姐直言如今已被警方登記個人資料及拍照，即使被秋後算賬也避無可避，「而家香港佢哋（警方）大哂，我哋小市民邊有得出聲，我哋落嚟做下生意，佢要搞都冇辦法㗎。冇嘢好驚，驚就唔會擺呢度啦。」她表明會繼續開檔，「交咗租㗎，好貴租呀大佬」。

檔主無懼繼續營業：冇得擔心

自稱「不幸的檔主」表示，事發時「成班警察衝入嚟」，「客人問點解，（警員）只講警方有行動、唔講得，話遲啲會交代」。該名檔主表示，警員起初只聲稱行動會維持「三四個字、十零二十分鐘」，但最終歷時兩個多小時，「全部人喺度呆等，損失咗兩個鐘頭生意，當時仲要係食飯時間」。

「不幸的檔主」稱，她在警員行動期間無處可去，只好坐在檔口的座椅打發時間，「都有諗過市集會唔會結束」，但最終可重新營業。她表示周三（18日）會繼續開檔，「冇得擔心，佢（警方）鍾意咪玩囉，警察都全部影哂相、睇過哂我啲嘢……唔知佢會唔會執哂我哋啲嘢走，如果係都冇辦法㗎。」