台灣大選形勢競爭激烈，從民調顯示，民進黨賴蕭配和國民黨侯康配的差距不大，還未能達到勝利的保證。港台前主持兼時事評論員曾志豪於兩年半前赴台居住，他接受《追新聞》訪問，認為這次總統大選的焦點不是「香港的傷痛故事」，而是台灣人自己也應該有的切身之痛，「台灣人真係要打醒十二分精神，因為你仲有一個叫做主權身份嘅時候，（中共）隻手都伸得咁明顯，咁你話萬一真係統一咗，邊會仲有自己把聲呢！」
報道無罪 知情有價 請即訂閱《追新聞》：
https://www.patreon.com/thechasernews
曾志豪認為，上屆台大選香港人會特別有感覺，因為覺得香港失守了，如果連台灣都失守，「所謂華人社會守住民主的橋頭堡都無埋」，但今屆雖然少了香港的元素，但對台灣自身的影響卻很大，「大陸嗰隻手喺台灣都伸得幾出，例如：對郭台銘干預，藍白好多整合，台灣島內好多人都睇得出，如果唔係有中共隻手干預，無可能會變成咁嘅局面。我覺得今屆台灣選舉真係要打醒十二分精神，因為你連自己仲有一個叫做主權身份嘅時候，隻手都伸得咁明顯喎。好多香港人都睇得出同過往中共操控香港選舉嘅形態好似，今次台灣喺有主權嘅情況下都搞成咁，萬一真係統一咗，邊會仲有自己把聲呢！」
台灣人看親中與香港人不同
作為香港人，曾志豪希望有票在手的選民要想清楚，「唔好真係政黨輪替，輪下輪下就變咗共產黨上台」，「台灣人看『親中』與港人有分別，有部份台灣人認為親中或親共不代表賣台，只是務實、拼經濟及理性嘅代名詞，我對呢點係有啲失望，香港經過咁多年洗禮，終於明白咩叫親共，台灣人就會覺得唔想玩政治遊戲，親中代表想做實事，所以港人、台人都係有分別。」
台大選形勢詭譎多變，仍有多方因素影響投票決定，如台灣人對台海戰爭的看法，曾志豪歸納為兩大派，第一類人對台海戰爭的看法像「狼來了」，他們不相信中共犯台，對投國民黨的戒心便會削減，而第二類人就是害怕打仗，絕對不投綠營，認為不談台獨便會平安，所以這兩類人會阻礙到綠營選舉的形勢，「不過，近呢幾屆，中共一『助選』出嚟話邊個毒上加毒，或者要你做出正確選擇，就會有更加多人出嚟對沖佢，投另一邊。中共對冧自己由李登輝時代已是鐵律，唯一擔心係出嚟對沖嘅人數量足唔足夠？」
坦言港人失望 藍白難吸年輕人票
對於在台港人對綠營處理港人議題上感到失望，又會否影響投票意願？曾志豪認為確實有失望，因為香港人很難取得台灣居留權，「熱情一定無四年前咁多，但用返香港人好熟悉嘅術語『咁你含淚投邊個？』你無理由投國民黨，亦無可能投柯文哲，就算唔係香港人，就算台灣人喺最後關頭都會相信總統票都要投返畀民進黨」。
台年輕選民被稱為是這場選戰中的關鍵變數，但有20多歲和30多歲的選民表示，他們已厭倦政治爭拗，並渴望選戰更聚焦在內政。曾志豪坦言，台灣青年人不想投票是對政治厭倦及爭吵有關，早前『藍白合』爭議拖低了投票意向，如香港前些年「年青人覺得無人代表到自己或者覺得你哋玩晒啦，咁就會少人投票」，「今屆藍營嗰啲老人家講咗啲幾離地嘅說話，除咗藍營副手趙少康同女藝人林襄合照風波外，佢哋話教你點投資？點買樓？但班老人家上晒岸，喺收成期教訓年青人，老人味道太強，有個反作用令年青人對佢哋say no」。
「柯文哲聲稱佢係代表年青人，但睇個勢年青人都未必投佢。因佢個副手揀咗個財團（註：吳欣盈是台灣五大財團之一「新光集團」第三代長孫女，被媒體稱為「新光公主」），同年青人接唔到軌，亦代表唔到弱勢的聲音。」
曾志豪冀望台灣年青人有危機意識，對中共要有戒心，「有咗上屆嘅洗禮，希望佢哋認識到其實大陸隻手係伸得好入，唔可以話危機過咗或無人代表到我就唔出嚟投票」。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
