【引言】
遭建制陣營標籤為「仇警講師」的蔡俊威（Sam），2019年11月「理大圍城」期間，為香港電台時評節目《左右紅藍綠》擔任嘉賓主持，批評警方圍攻行動血腥，而緊隨其後的是一次次「秋後算賬」政治行動：節目下架﹑警方去信教育大學施壓。直至教大展開內部聆訊，他恍然明白這場政治清算不會輕易結束，「原來佢（校方）唔想咁樣close file，原來佢會想加快，喺你走（約滿離職）之前有個了斷。」最終蔡俊威決意離開香港，在海外延續其香港研究工作﹑保存港式文化。
2020年4月20日，通訊局投訴結果出爐那天，Sam原本相約一名學者討論香港前途的議題，赴會途中手機突然震動未止，翻看屏幕他才得悉，他在《左右紅藍綠》作為嘉賓主持的集數，港台獲發嚴重警告。
「我引用嘅言論全部都有references﹑有晒清楚嘅source，包括立法會﹑保安局﹑警方嘅文件﹑當時人嘅講法同埋報道，但出嚟嘅報告都話我引用不知名嘅Source，可能佢（政府）自己嘅 Source都當成不知名吧？」評論背後的分析和論證，最終被通訊局以短短數十字概括，但面對肅清的社會氣氛，Sam只能跟隨這座城市一同「失語」。
「我得到嘅提醒係，唔好作出任何回應﹑反駁﹑反抗，唔好再出現喺媒體。」——香港教育大學亞洲及政策研究學系前講師蔡俊威
個人發展遭全面隔絕
在風尖浪口下，Sam在港的發展幾乎遭到全面隔絕，教大通過的內部升遷突然煞停，原本展開的研究項目合作方突然撤出；而當時的學術界也風起雲湧，課室出現無形旳紅線，他開始思索說話會否被「抽秤」，而這種「抽秤」又會否影響到他人。
「我好有自信地覺得唔會self-censor（自我審查）自己講嘅嘢，原來真係落到場講嗰陣，有啲無形嘅壓力自自然然會發生。」有次課堂上談及國際法與香港有關的討論，有中國生對其說法提出質疑，「去到嗰刻會收一收掣⋯⋯某啲議題變成禁忌，呢種學術氛圍下好多嘢做唔到落去，當去到要諗自己應唔應該講嘅時候，其實已經有問題。」
校方加快聆訊：原來唔想就咁close file
在種種壓力下Sam未曾想過離開，直至教大展開內部聆訊時，校方出示厚厚一疊的調查證據，當中包括Sam在個人社交媒體發表的言論，「令我個刻『叮』一聲，原來佢調查咗好耐。」他才理解到，校方會滲透員工的私生活蒐集資料，員工的私生活亦成為政治審查的一部份，而自己很可能只是冰山一角的例子。
Sam其後向教大表明「約滿離職」的意願，認為「自行了斷」後事件就告一段落，但事與願違，「原來佢（校方）唔想咁樣close file，原來佢會想加快，喺你走之前有個了斷；原來個件事，唔係純粹我想離開就完咗，原來佢要一個結果出現。」校方一直強調「需要一個交代」，但如何「交代」，Sam不得以知，於是聆訊中途他決定移民，搭上航班離開香港。
報道無罪 知情有價 請即訂閱《追新聞》：
https://www.patreon.com/thechasernews
承傳首階段：保存文化
「離開咗香港嘅香港人，係一個咩狀態嘅香港人，我哋對於香港嘅想像係點？」
移居的生活穩定後，Sam開始重拾和昔日相似的工作，在港加聯擔任政策研究員，處理加拿大香港人救生艇計劃相關倡議，又以學者身份繼續為海外媒體進行時政分析，同時嘗試在外地展開香港的議題推廣和研究。
Sam抵埗後察覺不少中文書籍蘊藏在社區不同角落，老華僑將珍藏帶來加國，若無法傳承就送上堆填區，因此萌生「漂書會」的念頭，於是四月初他在多倫多舉辦當地首個大型中文漂書活動「好書漂流港」，凝聚不同世代喜好中文書的人。「唔同嘅書反映緊捐書人嘅知識體系，佢過往睇過咩書﹑有乜嘢喺個度。」活動反響最終超出預期，最終收獲近萬本書，當中不少更與香港主題有關，譬如1997年6月加拿大《明報周刊》，正值香港回歸前夕，受訪者就是黎智英，講述他對於香港前途的想法。
香港文化的定格和遷入
隨着本土文化跟隨移民潮浮游各地，人氣男團MIRROR的宣傳海報在多倫多的港式店鋪隨處可見， 「好多流行文化符號，呢度嘅人繼續消費，其實係一個心靈慰藉﹑填補緊我係一個香港人嘅身份認同。」Sam以加拿大的舊式港語為例，「最簡單港式餐廳食嘢用嘅『和菜』，我哋呢個年代冇呢個講法，但原來上幾代曾經有呢個用字。」而新一代移民的用語，例如「中伏」，部份舊移民反覺新奇。
「呢度定格咗某一個年代香港語言嘅用語同文化，我哋新一批人嚟到之後，點樣將呢啲嘢疊加上去，豐富喺到嘅香港符號厚度同質感。」他希望展開在地的香港文化研究，加強新舊移民之間對於香港社區的討論，推廣港人身份認同，令香港文化和地域因素無需扣上關係。
香港「告別式」
再次談及經歷，Sam形容自己猶如文革期間最早期被批鬥的人，「無論有冇嗰件事，香港都已經改變咗，所以件事發生得早可能對我嚟講係一件好事，令我早啲了斷對香港嘅想像 。」而這些文化活動與研究，對他而言就是一種「圍爐」和重新療癒的過程，也為經歷相近的港人提供一個交流場所，重新思考香港的過去和未來，「心理學有一個講法就係，你要經歷好多階段，你先會真正move on到，係一個治療過程嚟。」
隨着《港版國安法》及《基本法》23條先後頒佈後，「新香港」和「舊香港」已大相逕庭，在這樣的背景下，當港人再談及香港，是指向符號上的香港﹑地域上的香港﹑抑或是文化上的香港呢？
「我只可以很樂觀地去講，香港不會純粹地消亡，在乎係我哋用咩方式去保持，甚至我嘅想像係，香港喺呢度（加拿大）生出嚟。」
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
優惠詳情：https://thechasernews.co.uk/追新聞訂戶注意-新黃店優惠嚟啦/
