「星島新聞集團」前主席何柱國周三（16日）接受商台節目《光明頂》主持陶傑隔空對談，作為中國全國政協前常委的他，大爆前特首林鄭月娥「上咗鬼佬當，整一班黑衣人搞亂咗香港」，又指曾向時任保安局局長李家超在馬會咖啡廳會面，要求對方勸喻林鄭月娥不要搞《逃犯條例》修訂草案，這會引發美國制裁香港，連消帶打連香港最惠國待遇也可被取消，還有機會制裁香港官員。

「李家超嗰時對『制裁』唔係好明，我話制裁可以好多種：高科技，乜都可以，因為高科技係香港入大陸，但佢唔係幾明，我知道。」何柱國受訪時直指林鄭月娥、李家超不是生意人，不會明白何為「制裁」，之後就有「黑衣人暴動，畀外國佬乘機博你懵，香港再整個Covid，咁傷點會有夜市吖。」他反而大讚深圳夜市環境好、又旺場，兩、三年前曾到訪深圳福田星河Coco Park，形容置身其中猶如身處日本、拉斯維加斯般，一點都沒有在中國大陸的違和感覺。

報道無罪　知情有價　請即訂閱《追新聞》：
https://www.patreon.com/thechasernews

新政府不懂經濟難救港

提及如何挽救香港低迷經濟時，何柱國痛斥新政府不懂經濟難救港。他分析指，香港靠三大支柱撐經濟：旅遊、財經、零售，由於中國要催谷海南自貿港，價錢肯定較香港更實惠，所以香港不能再寄望復蘇「零售業」，反而應效法美國、南韓大搞「醫療產業」，由醫療帶動生意和旅遊。他以南韓為例，由政府出面推動K-pop文化、醫療旅遊，香港還可以大搞教育產業，吸引海外學生在港就學，「住喺香港謀生又得，又可以吸引人才，何樂而不為」。

何柱國揶揄財政司司長陳茂波「會計師出身，唔識經濟」，建議他多聽人意見，盡快取消印花稅挽救樓市。他說：「印花稅取消佢啦，多啲生意入嚟香港，搞動個市場，派消費券呢啲細數唔好計，免咗辣招咪支持香港樓市。」他指若然香港要學中國就要「擦啱鞋」，中國已取消印花稅，斷言陳茂波遲早都要取消，還以挑釁的口脗說：「樓市下行，夠唔夠膽做唔賣地一年嚟穩定樓市，將來落去無得炒樓，因為會有『負資產』，越嚟越多人跳樓會點？1997年見過啦，呢啲車行落去係（煞）停唔到，阿爺都有諗方法支持樓市，香港已經遲咗，點解仲唔郁手？」還不忘補充一句：「如果冇本事，就唔好做，財爺！」

逐一點評《星島》管理層

何柱國於2021年2月悉數出售星島新聞集團（1105）28%股權，套現至少3.7億港元。由佳兆業（01638）主席郭英成接管，而「玩具大王」蔡志明之子蔡加讚於去年5月入股星島，出任聯席主席，蔡晋則出任聯席行政總裁。對於香港報業前景，何柱國不太看好。他直言當年星島旗下免費報《頭條日報》，100多頁的報章全是廣告，廣告收入高達10萬至20萬港元，揚言「阿貓阿狗都做網，除咗實體，網上新聞我唔信，亂講都得，無後果。」

他盡數香港現時的網媒生態，「《晴報》一早要執啦，（香港）01做咗幾年，年年都蝕，最叻嘅肥佬黎做網站，《蘋果》都係蝕本。」他又指近期無綫新聞、有線新聞在沒查核內容就推播即時新聞，令到公信力受損。

對於《星島》管理層的看法，他逐一點評：「蔡晋博命谷媒體，你識唔識做㗎，得30幾歲，我睇咗1年（佢）都唔得，仲招兵買馬，最笨嘅人先會咁做，自己唔鞏固地盤，儍仔嚟嘅，勤力無用。」星島集團聯席主席兼執行董事郭英成去年陷債務危機，何柱國說：「郭英成地產搞到咁，理都理唔到，佢唔係香港人，講嘢冇信用。」反而對蔡加讚評價留有餘地：「而家得蔡加讚撐緊，實體好緊要，維持本業，公司就唔會蝕本。」

談及台海局勢、中美關係時，何柱國則指美國總統拜登「愈老愈精」，美國在俄烏戰從中取利做軍火生意，「美國佬最叻呃人，損人利己，唔會死錯人」。至於香港有議員建議港元與美元脫鈎，改用人民幣交易，何柱國反駁：「香港唔好用美元做（生意），我哋偉大祖國仲揸緊美元資產，人民幣國際化？阿爺都無諗住國際化喎。」