人氣歌手黃耀明今年5月在歐洲四地舉行的巡迴演唱會，門票將於周四（16日）正式公開發售。明哥好友、著名插畫師黎達達榮親自為他歐洲每站各自設計了一款特色海報，每款海報都有一隻可愛的狗狗尾隨他。其中倫敦站海報的狗狗是哥基，明哥解釋，揀選哥基因為是已故英女皇伊利沙伯二世的愛犬。明哥又稱讚英國的文化藝術多姿多采，形容倫敦是「⼀個開⼼嘅地⽅」，若有機會長住的話，首選倫敦。

黃耀明的歐洲演唱會首站5月4日先在曼城的Manchester Academy開騷，然後南下倫敦，5月7日在The Clapham Grand舉行個唱。之後明哥會在5月10日及12日，分別在荷蘭阿姆斯特丹Melkweg及德國柏林Metropol巡唱。英國兩場演唱會的票價有三種，分別為120鎊（VIP）、96鎊及72鎊。荷蘭與德國的票價分兩種，包括120歐元（VIP）及90歐元。全部門票將於周四（16日）英國時間早上10時正式公開發售。

明哥早前公佈首次歐洲巡唱會有兩站在英國後，隨即在英國港人社群引起哄動，不斷追問何時發售，擔心買不到門票，明哥也笑言：「好多英國嘅朋友⼀⽉開始已問定幾時有得訂飛，好擔⼼到時睇唔到。」翻查網上資料，倫敦The Clapham Grand若全部企位可容納超過1,200人；而曼城Manchester Academy的不同場館容納人數就由400多至2,600不等。

今次巡唱，明哥會再次跟唱作人Veegay（李端嫻）及獨立樂隊「絕命青年」結他手Soni一齊在台上演出，又透露今次巡唱的歌單，會跟今年1月台灣巡唱非常不同，並希望為歐洲巡唱每站各自設計獨⽴歌單。明哥近日亦在社交平台上載了四款充滿特色的海報，分別代表今次巡唱的四個城市，全部是由他好友、著名插畫師黎達達榮親自設計。海報中的明哥顯得悠然自在，挑着一個「地球」的隨身包袱，昂首闊步，尾隨是一隻很可愛的狗狗。

明哥表示，四款海報他都很喜歡，大讚黎達達榮細心，他說：「倫敦⼀站係⾹港⼈⼀睇就會聯想到嘅郵筒同埋巴⼠嘅紅⾊，我⾝上係⼀架巴⼠，上⾯有我鍾意嘅NME （New Music Express）⾳樂雜誌，同埋⽂化節guide book “Time Out”。」至於倫敦站海報的狗狗是哥基，明哥解釋：「選⽤哥基因為係英⼥王嘅愛⽝。」他又特別提及柏林站海報中的公仔造型，「係根據我最鍾意嘅⼀隊德國電⼦⾳樂樂隊Kraftwerk重新灌錄嘅精選⼤碟封⾯ “The Mix”，狗狗就係正在咬著德國啤酒杯嘅德國牧⽺⽝BB 。」

今次到歐洲演出除了可以跟引頸以待的歌迷見面，亦有機會跟老友相聚，「其實歐洲每個城市我都有朋友住緊，例如幫我⼀路寫好多歌嘅⿈偉⽂（Wyman）。」他形容自己首次歐洲巡唱的心情既興奮⼜期待，並且流露對英國生活的嚮往，「如果有機會⻑住嘅話，都係會揀倫敦，因為有晒我最鍾意嘅嘢。」他說自己成⻑時吸收的⽂化和流⾏⾳樂，不少來⾃英國，「⼀年到晚都有好多⼤⼤⼩⼩嘅演出」。

雖然有些人有時會抱怨英國的天氣，但明哥表示完全不介意秋冬的⽇短夜⻑，「英國嘅night life係好有趣，除咗舞台演出，dance culture都係好盛⾏。」他更⾃⾔，⾮常熟悉倫敦站的Clapham區，因為當年⾸次踏⾜英倫，便在該區住了⼀個⽉，「culturally倫敦對我嚟講係⼀個開⼼嘅地⽅。」

⿈耀明《邊⾛邊唱》— 歐洲站詳情

售票日期：3⽉16⽇（四）
售票時間：英國時間早上10時 / 荷蘭及德國時間早上11時
售票網址：https://linktr.ee/songsofwandererstour

英國曼城
⽇期：5⽉4⽇（四）
時間：晚上7時30分
場地：Manchester Academy
票價：VIP £120/£96/£72

英國倫敦
⽇期：5⽉7⽇（⽇）
時間：晚上7時30分
場地：The Clapham Grand
票價： *VIP £120 /£96 /£72
（埸地規定14歳以下不可⼊場）

荷蘭阿姆斯特丹
⽇期：5⽉10⽇（三）
時間：晚上8時正
場地：Melkweg
票價：VIP €120 /€90

德國柏林
⽇期：5 ⽉12⽇（五）
時間：晚上8時正
場地：Metropol
票價：VIP €120 /€90

*以上所有時間均為當地時間
*售票可能要扣除手續費
*VIP package：可優先進場及演出後meet and greet