香港商匯（Hong Kong Business Hub）周二（8日）推出首個專為移英港人而設的「初創培育計劃」，成功獲計劃取錄的公司，可免費參加培訓及交流活動，與潛在投資者會面，獲取最少5萬鎊（約49.7萬港元）的初創資金，目標總投資金額將高達50萬鎊（約497萬港元）。由於港人關心投資者背景，共同創辦人兼董事梁佩鳳接受《追新聞》訪問時說：「投資者想喺背後默默支持香港人嘅企業家，暫時不方便透露，經過篩選同培訓後，可以有機會直接與投資者見面。」

計劃由即日起至9月17日接受報名，提交所需的商業計劃書和財務預算，評審委員會將根據評審標準進行評分，然後接受網上面試及盡職審查，成功入圍的公司將於10月18日收到個別通知。一經獲計劃取錄的初創公司，須參加工作坊，並有機會向潛在投資者介紹和推銷其業務，成功獲投資者揀選的公司將收到個別通知，屆時需提交「磋商投資意向書」，與投資者直接磋商投資內容和細節，公司需付金額的1%予香港商匯作轉介費用，以支持計劃的營運及持續發展。

投資份額比例不超過20%

計劃總監容志偉解釋，5萬鎊投資是最低門檻，因為少於5萬鎊雖然能幫助更多初創公司，但行政費用也相當可觀，因而設最低投資下限。至於投資者可以佔多少股份？他說：「呢個要留番畀公司同投資者決定，因為每間公司嘅股值唔同，要視乎股值值幾錢，我覺得值貴啲喎，咁要就同投資者磋商，再睇番股權佔幾多。」他續稱，以正常的商業慣例，投資者的股權比例不超過20%，只會佔少數股份，希望初創者有足夠的動力做好一盤生意。

至於計劃如何能將資金真正應用在港人身上，當中又如何了解投資者與初創者的背景？梁佩鳳指，投資者與被投資方都會關注雙方的背景，香港商匯確保有足夠時間給雙方了解，以確定是否合乎價值和理念，還打比喻說：「投資者同被投資方要拍下拖，大家了解咗之後，先知結唔結得成婚。」

報道無罪　知情有價　請即訂閱《追新聞》：
https://www.patreon.com/thechasernews

IT培訓學院在英辦網上課程「試水溫」

打算參與計劃的科啟學院（Tecky Academy）創辦人Gordon表示，他有份開辦的IT課程培訓學院，最近在英國設立辦公室「試水溫」開辦網上課程，希望培育更多程式員（programmer）填補英國就業市場。他向《追新聞》記者說：「嗰計劃都吸引，因為講到可以幫助到香港人喺英國生活，打入到本地市場，呢個都係我哋想做嘅嘢，而5萬鎊seed money（種子基金）都合理。」他認為，目前要知道投資者身份仍言之尚早，未簽合約仍有選擇。

在倫敦維多利亞站（Victoria）引入台式珍珠奶茶特許經營店「春芳號」的Nathan則指，他在今年初開舖，而5萬鎊資金對一間珍珠奶茶店算得上是一個不俗的金額，但也關注投資者身份，「因為喺呢一刻嚟講，我都唔會咁快落自己閘。」對於投資者參股份額，他說：「喺運作上我哋係一個大股東，而佢（投資者）只係一個小股東，我都覺得合理嘅，只要喺運作上唔會影響到decision（決策），我覺得可以（接受）。」

香港商匯「初創培育計劃」詳情：
https://www.hkbusinesshub.net/incubation