香港人這些年已忘記怎麼笑，陳樂添感同身受。他是全職「棟篤笑」表演者，工作是逗人發笑，「香港都係一個好壓迫嘅地方……可以發洩出嚟，就會好爆。」有人被他的笑話逗得開懷大笑，但也有「連登仔」認為他「講爛gag」，陳樂添說，最重要是令觀眾享受及抒發，笑話若不好笑就下次再構思過，「我表演時已經唔太會尷尬」。他未來兩個月會到英美巡迴演出，尋找流散各地的香港觀眾，繼續以廣東話做棟篤笑將歡樂帶給香港人。
提起棟篤笑大家自然想起黃子華，但36歲的陳樂添是香港少數全職棟篤笑表演者，入行超過12年，累積棟篤笑演出大大小小已有逾千場經驗，平均每場觀眾五、六十人。他今次海外巡迴演出主題是《呢幾年大家都攰》，「呢句係（影帝）張家輝以前喺戲入面好出名嘅對白……疫情期間好多人講呢句嘢，有啲係因為社會運動，有啲係因為疫情。」而他今次海外棟篤笑的內容，正是想跟海外港人分享這幾年香港的苦與樂，「我後來度個show嘅時候，度度吓我就諗，除咗呢幾年之外，我會講大約呢10年我棟篤笑嘅生活」。
花一年時間籌備60分鐘演出
陳樂添8月21日至26日會先到愛丁堡演出六場，首站揀選愛丁堡除了因為女友是蘇格蘭人，希望到訪其故鄉，也適逢每年一度的「愛丁堡國際藝穗節」（Edinburgh Festival Fringe）正在舉行（8月4日至28日），能參與這項全球最大喜劇節，他說感到特別榮幸及高興，「最初報名都諗住未必有，因為我係廣東話show，啲人未必會理我」，但6月時主辦方突然通知他有場地可租，令他喜出望外。他之後8月28日及9月2日會分別轉到曼城與倫敦繼續演出；10月20日再到被他形容為棟篤笑「發源地」的紐約表演，「我係好想過去，見識吓嗰邊嘅Comedy hero。」
台上三分鐘，台下十年功。陳樂添一場棟篤笑通常大約60分鐘，每次公開演出都要花長達一年籌備，看似誇張，其實他在之前一年就要預備笑話題材，日復一日不斷練習每個笑話的「笑位」，務求演出時引起觀眾共鳴。外國棟篤笑很多時有政治笑話，即使黃子華棟篤笑早期也經常諷刺時弊，香港人非常受落，但在今天的新香港是不能觸碰的紅線，陳樂添也會小心翼翼，盡量避免演出涉及政治題材。雖然如此，但陳樂添的觀眾仍非常享受其演出，他社交平台上載的現場片段，觀眾往往笑聲不絕。
陳樂添說香港很壓迫，香港人很需要地方去宣洩，而入場觀賞棟篤笑，是少有可讓他們盡情抒發的地方，「不論係呢幾年或者再之前，其實香港都係一個好壓迫嘅地方，嗰種壓迫係一去到可以發洩出嚟，就會好爆。」他表示入場觀眾最享受現場感，尤其是再入場的觀眾，多數會選坐前排跟他更多互動，因為感覺更像是跟他傾偈，「我好似係佢哋一班friend嘅其中一部份。」觀眾每次開懷大笑，對他都是一種鼓勵，令他也很享受演出。
當然有時也會有冷場，偶爾說了「爛gag」，但陳樂添說已練就到自己不會尷尬，「如果我啲笑話唔中，咁點算呢？通常都冇乜嘢，我咪當頭先嗰個唔係笑話，跟住繼續講埋，因為有好多原因令一個show係咪好睇」，包括燈光、音響、現場氣氛等，「冇人笑嘅時候，我會攞番去檢討吓點樣做，下次再面對呢個情況點樣做先最好呢？」
大學贏一人冠軍燃起自信入行
陳樂添自幼就愛在跟別人交談前，先想一想如何能引起對方注意自己。他2011年正式入行公開表演棟篤笑，而最初入行是因為在大學時期贏過一項棟篤笑比賽冠軍，燃起了自信心及鬥志，「參賽時好緊張，因為要選拔，但最後我贏咗冠軍，因為只得我一個人參加。」入行初期，他以兼職形式表演，本身仍有另一份IT工作，直至2018年才毅然成為全職棟篤笑表演者，詎料接連遇上社運及疫情，演藝事業全面受到打擊，「每一日都成萬人中招，成條街都冇人，基本上冇人會睇show。」
不過，不懂功夫的陳樂添，自小就以李小龍為偶像，其人生哲學更儼如陳樂添的人生導師，「無論你遇到咩困難，都有好多窿路可以走……例如一啲唔好嘅嘢喺我面前發生，我就會反而用另一個角度去睇，呢個危機可唔可以變做一個轉機？」疫情期間他無法公開表演，讓他想到在網上開班收生，教人棟篤笑表演，成功開拓了另一條路。疫情過後他即作新嘗試，籌備今次歐美巡迴演出；未來目標是希望能有一天能走上紅館，在萬人觀眾前棟篤笑，以及爭取在Netflix有廣東話棟篤笑節目，「不過香港都冇Netflix喇，哈哈，間公司已經冇喇、搬咗去第二度」。
