中國大陸多個城市近日爆發俗稱「白紙運動」的反防疫示威，廣州警方周二（29日）晚上更向示威者施放催淚彈。香港亦有市民聲援中國示威，但保安局局長鄧炳強周三（30日）警告事件是「再次顏色革命」的雛型，揚言示威者「遲啲就會佔領街頭，用暴力掟汽油彈」，恐嚇參加者可能違反國安法。不過中國大陸多地防疫措施有跡象放寬，廣州市周三下午宣佈解除全市臨時管控區，改按低風險區管理，國務院副總理孫春蘭同日更稱Omicron變種致病性減弱，加上疫苗接種普及，形容國家疫情防控「面臨新形勢新任務」。

鄧炳強周三在立法會見記者，他聲稱「觀察到一啲社會不穩定嘅徵兆」，指近日大專院校和街頭有人以紀念烏魯木齊事件為名，試圖煽動針對中央，「而一啲呢喺2019年『黑暴』出現過嘅積極分子呢，亦都係有參與其中嘅。」鄧炳強進一步形容：「呢個唔係偶然㗎！係有高度組織性，我哋係發現呢，喺網上係有人號召呢啲活動，喺唔同嘅社交平台，包括一啲呢以反華為主嘅社交平台入面呢，係去，er，策動呢啲嘅活動。」

聲稱「遲啲就會佔領街頭掟汽油彈」

鄧炳強續稱，香港存在國家安全風險，「有啲人係死心不息，成日想危害我哋國家安全同埋香港安全」，他聲稱自己留意到「再次顏色革命一啲嘅雛型」：「我哋留意到有啲人係刻意搵一啲社會嘅矛盾事件，然後煽動分化，有人刻意組織人哋去上街……呢啲人，佢哋下一步會做嘅嘢就係出一啲抗爭手冊，會作一啲嘅主題曲，會製造大量嘅假新聞、假消息抹黑中央、抹黑政府、抹黑執法人員，遲啲就會佔領街頭，用暴力掟汽油彈，再次蹂躝我哋嘅大學校園，遲啲呢就會有大型嘅暴動。」

鄧炳強隨後更以「苦口婆心」口吻，以國安法恐嚇悼念人士：「嗰啲人就係氹你，刻意淡化呢啲事情呀！千祈唔好聽佢講呀，因為最主要呢你個圖謀係啲咩呀，就係想出嚟，係想顛覆我哋嘅，係，er政權吖嘛。我哋留意到好多呢啲嘅，一啲攞住嘅紙寫住嘅係乜嘢呢？濫權呀、領袖下台呀、獨裁呀、革命呀，呢啲全部都係有可能係違反呢個係國安法，危害國家安全㗎，所以你千祈唔好畀人氹，可能到頭來呢，你呢就可能要承受呢個法律嘅後果。」

多名政界人物質疑鄧炳強的說法，新思維立法會議員狄志遠表示，《基本法》賦予市民遊行示威的權利，認為中國大陸民眾對防疫措施的表達仍屬合理，稱當局過度演繹近期學生的行動。選委界議員江玉歡亦稱，把相關活動定性會出現反效果，促政府不要標籤市民……

本文為節錄版本，全文請到Patreon閱覽：
https://www.patreon.com/posts/75327387