「說了再見 約定再見 就會再見」，這是王逸戰出冊時收到的心意卡。已解散的組織「賢學思政」召集人王逸戰（阿戰）因為觸犯港府的「煽動顛覆國家政權罪」，被囚約2年後已出獄逾1個月。這天，阿戰與同案同樣服刑完畢的陳枳森（Sam）舉行獄中書籍分享及義賣會，有超過300人到場捧場，50本獄中書不到2小時已經義賣完畢。阿戰與Sam也兌現了承諾—與大家再見。
《追新聞》特約記者Wesley Yip報道
由2021年9月20日被捕，翌日中秋節起被還柙1年多後判刑，至今年9月刑滿出獄。在自由空氣中消失了約2年，現年22歲的阿戰說：「我從來都唔驚俾人忘記，我覺得我做嘅嘢唔需要俾人記住，因爲我唔係爲咗人哋記住我去做事，我只係爲咗我自己而做。」
報道無罪 知情有價 請即訂閱《追新聞》：
https://www.patreon.com/thechasernews
超過300名讀者到場捧場，對於外界的支持，阿戰表示很鼓舞，「本身覺得連50本書都唔一定賣得晒」，詎料甫開始2小時便全部售罄，有讀者更加提早半小時到場，「可能好多人已經選擇離開呢個地方，但今日呢個活動，（證明）依然有好多人選擇留低」。
嗲豬奴才（化名）於阿戰在囚時，成爲戰的筆友，這天也是到場的其中一位讀者。阿戰忙着招呼記者、接受記者提問。嗲豬奴才抱着小孩在旁一直默默等候。
嗲豬奴才表示，自己爲戰流過不少眼睙， 「呢段時間我真係爲咗你流過好多眼淚，你出水痘、Covid嗰陣都心痛，每次我都祈禱。」
阿戰這時識趣地去取紙巾：「你想喊啦。」默站良久，嗲豬奴才等的是一個被囚牢隔開2年的擁抱。
戰：「總會有人同你有種共鳴」
今次義賣會昨日（5日）在貳叄書房中環店舉行，阿戰與Sam同時擔任「一日店長」，阿戰說兩人各自預備了25本書，合共50本，書籍類型廣泛，有文學、歷史、政治、散文、詩集，甚至漫畫書《100天後會死的鱷魚》都有，但是《光隱於塵》這書卻令阿戰最深刻，「我入（書到獄中）呢本書時，佢啱啱出呢本書，後尾我睇報紙，喺公共圖書館係落咗架」，他慶幸能在《光隱於塵》下架前入到這本書。
「而家呢個時勢，我唔想推介一啲好Strong，或者好政治嘅書，而家呢一刻大家要好好生活」，阿戰現在最想推介自己的獄中書是《52赫茲的鯨魚們》，書本內提到救贖的過程，「呢個世界點都好，可能你會覺得冇人了解自己、明白自己」，但是「總會有人同你有種共鳴，我想大家都好好生活」。
賣書活動中，《最後禮物》、《活著》收到最多讀者查詢是否還能義賣，「每本書都只係得一本」，阿戰說感到自己很幸運，因為過去數年中，無論是在獄中或出獄後，都不斷身邊有人鼓勵和陪伴他走下去，「希望大家唔好淨係同我講『加油』，我希望大家同我講『共勉之』，大家一齊加油」。
寄語海外港人「今宵多珍重」
提到過去兩年在牆內的感受，阿戰堅定地表示案件是個人選擇，不能後悔，但如果可以重新做過「可以做得更加好」。在獄中最難過時候是2022年初，阿戰感染水痘而須21天單獨隔離，之後Covid-19大爆發，懲教署進行鎖倉，「夾埋超過2、3個月冇見過家人及朋友」。
阿戰身上有兩個紋身—「赤子」、「不二」，「赤子」希望保持初衷，「不二」代表身土不二，「我覺得我哋嘅身體同土地係唔可以分離」，阿戰堅決地表示，從沒有一刻想過離開香港。獨立樂隊My Little Airport的歌詞「今宵多珍重」，阿戰憑歌寄意，想跟海外港人說：「無論喺香港嘅，定係離開香港嘅大家，要好好珍重，始終這個時勢係唔容易」。
阿戰明年9月會再升學，他亦打算經營小店，以社企形式做起，僱用更新人士，「幫一啲出嚟嘅人」。
Sam嘆：紅線處處 但求「見到彼此」
同案的陳枳森（Sam）同樣已服刑完畢，Sam這天也有到場參與「店長活動」。他記得獄中逢周日都會派奶茶，但因太難飲，囚友都戲稱「瀉藥」，於是今次活動，他與阿戰就希望手沖一批「比佢好飲嘅奶茶、甚至係多飲過佢好多，而唔會痾到人嘅。」
對於自己的案件，21歲的Sam指在新香港環境下，自己不是唯一一個因街站及口號而入罪的人，「入去前我哋都堅信，我哋係未觸及到紅線，紅線我哋雖然近，但係都未掂到，最後都係被捕，都係服刑完」。在大量隱形紅線處處下，他坦言目前所能做，可能只是「見到彼此」。
「浮雲世事改，孤月此心明」，Sam在心意卡寫給其中一位讀者的留言，「月亮永遠都會喺度」。
「苦難之後會經過忍耐」
Sam出冊時收到的祝福字句是「赤子之心」，他說是因爲友人想「食字，因爲我叫枳森」。 他表示不會後悔以前選擇走過賢學思政這條路，「我會後悔可以作出一個更好嘅決定」。
「苦難之後會經過忍耐，忍耐之後會變老練，老練之後先有盼望」，Sam希望大家期待盼望來臨。他未來打算修讀物理治療或護士相關課程，「如果可以留低，我希望可以盡量留低喺呢片土地入面，因爲呢度始終係我嘅根，我幻想到」。
對於離開香港的港人，陳枳森說：「希望去到海外嘅咁多位香港，希望你哋可以堅守心中嘅善良。香港呢個家、呢個根，始終會等你哋。」
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
