江旻憓和張家朗先後在巴黎奧運劍擊項目為港隊摘金，激起離散港人為港隊狂呼。在激情過後，運動員的背景被大起底，還牽扯出體育與政治的爭議。
移英前港隊運動員阿將（化名）過往代表香港特區出賽，他接受《追新聞》時回想2008年北京奧運，當時挑選90名青少年運動員參加北京交流團，參觀鳥巢、水立方等宏偉建築，展示中國代表隊歷代金牌運動員，還帶領他們唱國歌跑長城，「而家定義就係『洗腦團』，嗰時我都覺得自己好愛國，好似而家所講嘅『小粉紅』咁，身處呢啲環境個人幾正義都好，全部得一把聲音嘅時候好脫離。」他無奈地說，縱然香港運動員不願表態，但都很難避免「政治」，而近日移英港人對江旻憓的熱議，他認為要話分兩頭：「佢克服困難慢慢追上，運動員唔放棄嘅精神係值得學習；至於政治取向同大家唔同，我會覺得每個人對良知係有定義，如果睇番政治立場咪唔好support佢，但人哋優點嗰part咪要欣賞。」
報道無罪 知情有價請即訂閱《追新聞》：
https://www.patreon.com/thechasernews
香港體院精英項目才有全面支援
阿將以過來人分享作為舊港將的辛酸，在他的年代代表港隊打到世界賽，住宿開支都是由父母支付，而能否取得資助就取決於是否香港體育學院的「精英項目」：「精英項目嘅運動員先有月薪，先有物理治療師去幫你跟進傷患，有體能訓練員制定programme，基本上住得體育學院嘅精英運動員先有呢啲支援，包括劍擊、田徑某幾個項目、乒乓波、羽毛球，就會有醫療同食宿支援。業餘運動員訓練時數都要跟足總會規定，大約一日得4粒鐘訓練，每星期有30小時，都幾唔合理，但要跟呢個遊戲規則去做，大家目標攞獎牌，代表自己地區出賽，係運動員嘅使命。」
他回想當年曾被中國某同鄉會拉攏入會，即使不是來自該祖籍，但對方聲稱只要有回鄉卡就可以登記，只要拍拍照就能取得獎金；商會就不斷發邀到愛國晚宴，席上就有體育總會的代表，而每年傑出運動員選舉，公眾投票佔4成、總會票佔6成，需要做公關工作才能為自己競逐的項目取得更多資源。他說：「我同江旻憓唔認識，作為運動員係要做某啲嘢，係咪仲可以堅守到信念，我唔敢講咁多，我唔敢評論江旻憓。」
對於外界挑機指運動員都有自主權時，阿將說：「官方活動搵咗你10次都唔去，嗰樣運動、項目仲會唔會提供資源畀你呢？總會又會好多規則，恆常訓練唔夠出席率，基本上已冇咗代表資格，做得運動員最想代表自己嘅地區出席國際賽，如果有啲活動keep住邀請你都唔去，連入去集訓隊嘅機會都冇埋。你睇泳總已經係一個好出名總會，贏咗本地賽都無國際賽資格，大家都好愕然，但作為運動員大家明白當中嘅道理，你唔係親總會嘅人，所以咪冇咗個資格囉。」他還舉例指，劍擊摘金，政府就搞很多訓練班培育新一代，「你唔攞獎邊個人識你，又邊識你個項目，報紙賣一日賺幾多曝光，張家朗上屆東京奧運攞完金牌，香港就有14間劍擊學校，一塊金塊養幾多人。」
港人熱衷做「勝利球迷」
阿將亦指出移英港人對體育運動不太投入，他們除了會恆常觀看足球外，每年奧運也不過追捧「靚仔運動員」，或者是所謂的「勝利球迷」。究竟港人對英國隊參與體育的程度有幾熟悉，他相信跟其生活習慣接觸有關。對於香港人捧香港隊，就是各自的選擇，「坦白講，我就唔會睇黃鎮廷、杜凱琹比賽，我知佢哋都係香港隊，但一個係何君堯『契仔』，一個係新香港人。」對於真正的港產運動員，他則會全力支持：「石偉雄示範到博盡無悔，做人、打工，參與社會運動都好，做咗就無悔，運動精神係教到人好多道理。」
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
