報道無罪　知情有價　請即訂閱《追新聞》：
https://www.patreon.com/thechasernews

至於儲值卡同埋月費計劃有咩分別？儲值卡就係先入一定嘅金額，然之後選購套餐之後再每個月扣錢。月費計劃就係使用服務之後先至每個月俾錢。電訊公司會就開台查詢個人信貸紀錄。未滿19歲嘅小朋友，冇家長嘅陪同下係冇得開設月費計劃，咁唯有只可以申請儲值卡，儲值卡無需信貸檢查。

唔同電訊公司有啲咩特色？Fido嘅優點係行山訊號最強，同埋有五個鐘放題免費任用數據。Virgin有個會員計劃出街食飯睇戲會有折扣。中國電信嘅優點係免費致電任何中國同埋香港電話號碼，同埋去到中國大陸可以用返加拿大嘅數據計劃。Koodo就係計劃入面可以任揀一項增值服務，例如數據滾存服務同埋1,000分鐘免費長途電話服務，而長途電話服務係包埋香港嘅。

而儲值卡計劃方面，小編就建議使用Public Mobile同埋Freedom，呢兩個電訊公司會比其他純儲值卡電訊公司例如Chatr同Lucky價格相宜啲，但缺點係冇包增值服務，例如長途電話、數據滾存或者備用數據。

咁點樣買電話卡？加拿大可以實體商舖同埋網上購買。實體商舖嘅好處係職員可以解答你嘅問題同埋唔跟官網嘅價錢，而網上購買就可以足不出戶辦理手續同電話卡會寄到去你登記嘅地址。