近日美斯缺陣事件再為香港打響名堂，香港特首李家超如此優秀當然獲人「讚賞」，在9日上午他與官員逛沙田年宵市場，期間一名女童問特首：「點樣先可以成為好似你咁優秀嘅人呀？」李回應：「你應該係叻過我，係咪？我哋每個人最緊要個目標係戰勝自己，每一日都要聽日好過今日」。就在同日，免年最後一個交易日，恒指繼續插水，收市報15,746點，總結兔年累跌逾6,000點。
報道無罪 知情有價 請即訂閱《追新聞》：
https://www.patreon.com/thechasernews
李家超與民政事務及青年局局長麥美娟及食環署長楊碧筠等官員在9日上午11時抵沙田源禾路年宵市場，他笑言：「我以前成日都夜晚出嚟行，宜家為咗唔好影響秩序，所以早啲出嚟行。」他又指今年不用戴口罩行花市，可以真正見到市民笑口常開，不需再只見到眼神。
「花開富貴」 恒指跌市收場
期間李家超與一名女童閒談，問女童喜歡甚麼花、喜歡的科目等，該女童突然主動提出問問題，李家超屈膝笑笑口回應：「唔好咁深喎。」女童便問：「點樣先可以成為好似你咁優秀嘅人呀？」李家超表示：「你應該係叻過我，係咪？我哋每個人最緊要……第一，最緊要個目標係戰勝自己，每一日都要聽日好過今日，一年之計在春，所以聽日就過年，龍年要諗下呢個要點計劃呀、『奧數』點樣更加精彩、最鍾意邊個學科、點樣可以成績更好；仲有一樣嘢，開開心心，孝順父母，我對你好有信心呀！」
李家超在年宵花了五百多元買花，他表示：「因為今年不用再戴口罩，可體會到市民的笑容」，又指今年桃花花開情況不錯「花開富貴，早開早富！」他亦期望市民以愉快心情過春節。但有記者欲追問美斯缺陣是否代表頭炮「盛事經濟」受挫，李家超未有回應便上車離開。 李特首說了「花開富貴」後，就在同日恒生指數於兔年最後一個交易日續插水，連跌三日，除夕半日市收市報15,746點，跌131點，失守10天線，因內地長假休市下，成交只有312億。總結兔年，恒指跌6,298點，跌幅達28.5%，是歷來表現最差的兔年，亦是2008年鼠年以來最差。有分析稱，受中美關係及內地經濟影響，恒指龍年或要再下試14,000點水平。
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
