香港失明律師陸耀輝（Joy）在2019年反送中運動期間，多次走上衝突現場監察警暴，試過警方在未有警告下向她噴射胡椒噴霧，又厲聲辱罵她：「你盲嘅睇到啲乜？盲嘅人點可以監察！」香港宣佈《禁蒙面法》之時，Joy走上街頭從沒蒙面，也不知道後運動階段有否被跟蹤，但警方已多次向她表明會將她拘捕。2021年12月，Joy決定人生第一次用護照、第一次搭飛機，離開所愛的地方，在一個陌生的國度展開新生活。歲月匆匆，她在Facebook宣佈好消息，獲得加拿大多倫多大學法學院取錄，可獲當地豁免8張試卷，最快一年後就能在加拿大掛牌。

報道無罪　知情有價　請即訂閱《追新聞》：
https://www.patreon.com/thechasernews

Joy接受《追新聞》訪問時喜形於色，坦言在香港成為失明律師已經是人生第一大挑戰，現在要在加拿大接受人生第二次挑戰，希望明年可以向大家公佈：「我可以成為加拿大首位華人失明律師！」

Joy在香港城市大學取得法律課程學士學位，再於香港大學取得國際人權法學碩士學位，成為香港首位盲人律師。她獲多倫多大學法學院取錄，揚言：「多倫多大學冇畀優待我，係based on大學碩士成績同埋工作經驗，喺渥太華律師會（Law Soceity of Ontario）評核之後，我考多6科公開試就可以申請牌照，考多兩科公開試就可以成為呢邊律師，比人慳咗好多時間。」不過，Joy目前仍為一年 38,700加元（約220,607港元）學費苦惱，她暫時未有獎學金，可能需要尋求公眾協助。

離港感到份外難受：係一個悲情嘅永別

Joy在多倫多支援中國民運會幫助下孤身流亡，到彼邦申請難民身份也不易。回想離港一刻，家人不能送機，過關時身份證被扣留10多分鐘，她一早預備律師、議員、記者在場，當飛機關門起飛一刻不禁悲從中來：「我即刻有啲唔開心，我唔係移民，返唔到去嘅感覺份外難受，係一個好悲情嘅永別。」

抵加後，Joy申請政庇難民資格，立法會前議員郭榮鏗、張超雄也為她寫推薦信。由於當時香港已實行《港版國安法》，雖然還沒通過《基本法》23條，但加拿大移民難民和公民部（IRCC）相信「我返香港好大機會被捕」。

雖然Joy不擔心自身安全，但對香港的家人滿懷愧疚，「當我行呢條路，就係做咗一個非常自私嘅家人，對家族成員造成極大困擾，亦令佢哋身處危險當中，我係負咗佢哋。」她不禁哽咽：「因為我知道年邁嘅母親每日擔心我，我擔心（有人）恐嚇佢、搞佢，感到非常恐懼，之前媽咪個電話俾黑客攻擊，其實都唔知係咪同我有關，政府要針對我家人，我只能講對唔住，我係負咗佢哋。」她明白，流亡的海外港人許智峯、羅冠聰都面對着同一遭遇，前支聯會副主席鄒幸彤的母親早前被捕，而她覺得：「至少呢一刻我無錯。」

47人案：我想大家唔好淡忘佢哋

她離開香港至今2年半，生活也不易過。「除咗抗爭之外都要食飯，但我作為失明人，都冇我想像中咁容易搵到工。」Joy訴說，目前租住的單位由猶太人持有，首15個月因難民身份免租，目前雖然要交租但有做兼職勉強維生，生活尚可。「我喺香港經常出入醫院，睇緊4、5個專科，而家喺加拿大睇醫生唔使錢，控制血糖、心臟比以前好好多，2023年都冇入過醫院，破咗10幾年嘅紀錄。」

近日，Joy下載47人初選案的判詞，直言原訟庭3名法官「顛倒是非得好緊要」，作為鑽研國際人權法的她來說，若然日後有機會合撰報告或評論，將會以香港、加拿大兩地法律解釋香港為何不符合聯合國《公民權利及政治權利國際公約》。她續指，除了47人案中的45人在囚候判外，還有蘋果案、立場案、支聯會案等等，「我想大家繼續記得佢哋，唔好淡忘佢哋，唔想聽到『邊個係譚文豪？咩人嚟㗎？』」

她希望，在時間洗禮下，自己依然保持着5年來對香港民主的熱誠。Joy提到，聽到劉偉聰在47人案的陳詞深受感動，他說：「我一生人醉心於法律，讀法律、教法律、做法官，最尾仍然繼續從事法律行業，仍然教書、寫文章，無諗過成為受法律制裁嘅人，今天喺犯人欄同法官講嘢。」回想自己，對於一個盲人考上法律很難，但她都能一一跨過，而律師這條路雖然難行，但不妨一試，她期盼着繼續在人權議題上為港人發聲。