最後一樣，最偉大、最複雜、最難講，最難明、最高級嘅「神」！
哲學上宗教上嘅神有太多含義，並非我今次想講嘅範圍。而因篇幅所限，我只講下中醫入面神嘅大概意義同作用。
中醫學上廣義嘅神指人體生命活動嘅體現；狹義嘅神通常指心所主嘅神志，即人嘅精神、意識、情感同思維活動甚至人格傾向等等。
《內經》中以「故生之來謂之精，兩精相搏謂之神」講到神喺由父母嘅精結合而形成，而又要後天嘅水谷精微滋養先可以維持活動。同上兩篇講嘅精 / 氣有啲類似，雖由精氣養成但神嘅概念又唔同。
總括嚟講神有兩大作用
1. 調節精神意識
《素問·靈蘭秘典論》「心者，君主之官，神明出焉」，心所主嘅神入面，又有分神、魂、魄、意、志，分屬於五臟。五臟功能不同，神的表現也就有所區別。以神配屬於心，魂配屬於肝，魄配屬於肺，意配屬於脾，志配屬於腎，但主宰都係心。
2. 調節機能及代謝
《類經·攝生類》：「雖神由精氣而生，然所以統馭精氣而為運用之主者，則又在吾心之神。」
身體入面五臟六腑產生嘅精、氣、血、津液作為神嘅物質基礎，同時佢哋嘅生理功能又被神所統領控制。
《素問·移精變氣論》説：「得神者昌，失神者亡。」喺臨床上，透過望、聞、問、切四診合參，了解病人神嘅狀態，對病人嘅診斷治療同預後都可以掌握得更好。
李梓豪醫師
香港青木堂中醫
🌟加入YouTube頻道會員支持《追新聞》運作🌟
https://www.youtube.com/channel/UC5l18oylJ8o7ihugk4F-3nw/join
《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。
