一周一劑｜精．氣．神（李梓豪醫師）

「精！！氣！！神！！掙扎呀！！！」聽就聽得多，可能嗌都有嗌過，有無諗過精氣神到底係咩？

古代中醫認為精氣神係組成人體嘅精微物質，例如氣、血、津液，互相作用互相影響新陳代謝，構成人體生命活動。

今日就先講精！

「精」係構成人體嘅基本物質，都係人體生長發育同活動嘅物質基礎。《素問．金匱真言論》說：「失精者，身之本也。」

《黃帝內經．素問．六節藏象論》中說：「腎者，主蟄，封藏之本，精之處也。」是指腎具有藏精的功能，而腎所藏的精就包括「先天之精」和「後天之精」。

先天之精指生殖之精，《靈樞．本神》言：「故生之來謂之精，兩精相搏謂之神。」兩精，係指父母之精；相搏，即父母精氣相合，從而形成胚胎發育嘅基礎，呢種精係與生俱來嘅。

後天之精指攝入嘅食物通過脾胃運化功能生成的水谷精氣，以及臟腑生理活動中化生命嘅精氣，通過代謝平衡後的剩餘部分，亦都係儲存喺腎。

先天之精同後天之精，來源唔同但同歸於腎，喺先天之精物質基礎下運化水谷生成後天之精，剩低嘅部分再儲存供養先天之精。如果脾胃虛弱運化功能不足，又不斷虛耗，供不應求，人體就會愈嚟愈虛弱。

李梓豪醫師
香港青木堂中醫

《追新聞》無金主，只有您！為訂戶提供驚喜優惠，好讓大家支持本平台，再撐埋黃店。香港訂戶可分享給英國親友使用。